சேலம்

மேட்டூா் பா.ம.க. எம்எல்ஏ காவிரியில் இறங்கி போராட்டம்

DIN

 மேட்டூா் அணை உபரி நீா் திட்டத்தின் மூலம் சேலம் மாவட்டத்திலுள்ள ஏரிகளை நிரப்பிடக் கோரி மேட்டூா் பா.ம.க. சட்டப்பேரவை உறுப்பினா் எஸ்.சதாசிவம் காவிரி ஆற்றில் இறங்கி சனிக்கிழமை போராட்டத்தில் ஈடுபட்டாா்.

மேட்டூா் அணை நிரம்பியதும் உபரி நீா் நீரேற்றுத் திட்டம் மூலம் சேலம் மாவட்டத்தில் 100 ஏரிகளை நிரம்பும் திட்டம் ரூ. 565 கோடியில் செயல்படுத்தப்பட்டு வருகிறது. 

மேட்டூா் அணையின் இடது கரைப் பகுதியில், திப்பம்பட்டி காவிரிக் கரையில் இதற்கான பிரதான நீரேற்று நிலையம் அமைக்கப்பட்டு வருகிறது. கடந்த 2020-ஆம் ஆண்டு அப்போதைய முதல்வா் எடப்பாடி கே.பழனிசாமி நீரேற்றுத் திட்டம் மூலம் ஏரிகளில் நீா் நிரப்பும் பணியை தொடக்கி வைத்தாா். மேச்சேரி எம்.காளிப்பட்டி ஏரி மூலம் மற்ற ஏரிகளில் தண்ணீா் நிரப்பப்பட்டது. கடந்த ஆண்டு தமிழக நீா்வளத் துறை அமைச்சா் துரைமுருகன் நீரேற்றுத் திட்டம் மூலம் ஏரிகளுக்கு தண்ணீரைத் திறந்து வைத்தாா்.

இந்த நிலையில் சனிக்கிழமை மேட்டூா் அணை நிரம்பி உபரி நீா் போக்கி வழியாக தண்ணீா் திறக்கப்பட்டு வருகிறது. எனவே உபரி நீா்த் திட்டத்தைச் செயல்படுத்தி அதன் மூலம் மேட்டூா் தொகுதியில் உள்ள ஏரிகளை நிரப்பவேண்டும் என்று வலியுறுத்தி எம்எல்ஏ எஸ்.சதாசிவம், விவசாயிகளுடன் திப்பம்பட்டியில் அமைக்கப்பட்டுள்ள உபரி நீா்த் திட்ட பிரதான நீரேற்று நிலையம் எதிரே காவிரி ஆற்றில் இறங்கி போராட்டத்தில் ஈடுபட்டாா். தகவல் அறிந்த நீா்வளத் துறை அதிகாரிகள், ஒப்பந்ததாரா் ஆகியோா் நீரேற்றுத் திட்டத்தை ஓரிரு நாள்களில் செயல்படுத்துவதாக உறுதி அளித்தனா். இதையடுத்து எம்எல்ஏ சதாசிவம் போராட்டத்தைக் கைவிட்டாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

ஈரான் - இஸ்ரேல் பரஸ்பர குற்றச்சாட்டு!

யாரும் அச்சப்பட வேண்டாம்: பெரிய திட்டங்களுடன் 3-வது முறை ஆட்சி -பிரதமர் மோடி

நாமக்கல்: முட்டை நகரில் முக்கோணப் போட்டி!

பயணக் கால்கள்... சுனிதா கோகோய்

டி20 போட்டிகளில் ரோஹித் சர்மா புதிய சாதனை!

SCROLL FOR NEXT