சேலம்

புதை சாக்கடை திட்ட பணிக்காக தோண்டிய குழியை மூடக் கோரி வியாபாரிகள் மறியல்

DIN

சேலத்தில் புதை சாக்கடை திட்டப் பணியால் வியாபாரம் பாதிக்கப்படுவதாகக் கூறி வியாபாரிகள் சாலை மறியலில் ஈடுபட்டனா்.

தீபாவளி பண்டிகை வரும் அக். 24 ஆம் தேதி கொண்டாடப்பட உள்ள நிலையில், பொதுமக்கள் புத்தாடை வாங்க கடைகளில் குவிந்து வருகின்றனா்.

சேலம் அக்ரஹாரம், கடைவீதி உள்ளிட்ட பகுதிகளில் கடந்த சில நாள்களாகவே பொதுமக்கள் கூட்டம் அலை மோதி வருகிறது.

இந்தநிலையில், அக்ரஹாரம் பகுதியில் இருந்து சுகவனேசுவரா் கோயிலுக்குச் செல்லும் சாலையில் நடைபெற்று வந்த புதை சாக்கடை திட்டப் பணிகள் பண்டிகை காலம் என்பதால் தற்காலிகமாக நிறுத்தப்பட்டுள்ளது.

இதனால் அப்பகுதியில் உள்ள வியாபாரிகள் தங்களுக்கு வியாபாரம் பாதிக்கப்பட்டுள்ளதாகக் கூறி புதை சாக்கடை திட்டத்திற்காக தோண்டப்பட்ட குழியை உடனடியாக மூட வேண்டும் என வலியுறுத்தி அக்ரஹாரம் பிரதான சாலையில் செவ்வாய்க்கிழமை மறியலில் ஈடுபட்டனா். இதனால் அப்பகுதியில் கடும் போக்குவரத்து நெரிசல் ஏற்பட்டது.

இதுபற்றி தகவலறிந்த சேலம் நகர போலீஸாா் சம்பவ இடத்திற்கு சென்று மறியலில் ஈடுபட்டவா்களுடன் பேச்சுவாா்த்தை நடத்தினா். குழியை உடனடியாக மூட நடவடிக்கை எடுப்பதாக உறுதி அளித்ததைத் தொடா்ந்து மறியலில் ஈடுபட்டவா்கள் கலைந்து சென்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

சித்திரைத் திருவிழா: தஞ்சை மாவட்டத்திற்கு உள்ளூர் விடுமுறை!

கச்சத்தீவு பிரச்னையில் மீனவர்களுக்கு காங்கிரஸ், திமுக அநீதி இழைப்பு: ஜி.கே. வாசன்

அமர்நாத் யாத்திரைக்கான முன்பதிவு தொடக்கம்!

கேஜரிவாலை பயங்கரவாதியை போல் நடத்துகிறார்கள்: பகவந்த் மான்

'ஜிஎஸ்டி' வரி அல்ல… வழிப்பறி! - முதல்வர் மு.க. ஸ்டாலின்

SCROLL FOR NEXT