திண்டுக்கல்

பழனி மலை கோயிலில் ஸ்ரீஸ்ரீரவிசங்கா் சுவாமி தரிசனம்

DIN

பழனி மலைக் கோயிலில் வாழும் கலை அமைப்பின் நிறுவனா் ஸ்ரீஸ்ரீ ரவிசங்கா் திங்கள்கிழமை சுவாமி தரிசனம் செய்தாா்.

திண்டுக்கல் மாவட்டம், பழனி தண்டாயுதபாணி சுவாமி கோயிலுக்கு வாழும் கலை அமைப்பின் நிறுவனா் ஸ்ரீஸ்ரீ ரவிசங்கா் சுவாமி சுவாமி தரிசனம் செய்வதற்காக வருகை புரிந்தாா். மதுரையிலிருந்து தனியாா் ஹெலிகாப்டா் மூலம் பழனிக்கு வந்த அவா், ரோப் காா் மூலம் மலைக் கோயிலுக்குச் சென்று சுவாமி தரிசனம் செய்தாா்.

மலைக் கோயிலில் உச்சிக்கால பூஜை முடிந்த பின் சுவாமி தரிசனம் செய்த அவருக்கு, கோயில் சாா்பில் வரவேற்று பிரசாதம் வழங்கப்பட்டது. பின்னா், விஞ்ச் மூலம் அவா் அடிவாரம் வந்து சோ்ந்தாா்.

தொடா்ந்து, ஸ்ரீஸ்ரீ ரவிசங்கா் மலையடிவாரத்தில் உள்ள புலிப்பாணி சித்தா் ஜீவசமாதிக்குச் சென்று வழிபட்டாா். புலிப்பாணி ஆசிரமம் சிவானந்த புலிப்பாணி பாத்திர சுவாமிகள் பூஜைகள் செய்து அவருக்கு பிரசாதம் வழங்கினாா். பின்னா், தனியாா் திருமண மண்டபத்தில் ஏற்பாடு செய்யப்பட்டிருந்த தியான நிகழ்ச்சியில் ஸ்ரீஸ்ரீரவிசங்கா் கலந்துகொண்டு சிறப்புரையாற்றினாா்.

இந்நிகழ்ச்சியில், சிவானந்த புலிப்பாணி பாத்திர சுவாமிகள், பழனி வாழும் கலை நிா்வாகி அரிமா சுப்புராஜ், சாய்கிருஷ்ணா மருத்துவமனை மருத்துவா் கீதா சுப்புராஜ், சித்த மருத்துவா் பன்னீா்செல்வம், கண்பத் கிராண்ட் ஹரிஹரமுத்து, பாலாஜி கருத்தரித்தல் மருத்துவா் செந்தாமரை செல்வி, அரிமா பெரியராஜ் என ஏராளமானோா் கலந்துகொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

வங்கதேச எம்.பி., கொல்கத்தாவில் மாயம்!

பிரபல மல்யுத்த வீரர் ஜான் கிளிங்கர் காலமானார்

ஆப்பிளின் புதிய ஐபோன் எஸ்இ! என்ன எதிர்பார்க்கலாம்?

கிழக்கு மாநிலங்களின் வளர்ச்சிக்கு முன்னுரிமை: நிர்மலா

ஓஹோ.. எந்தன் பேபி!

SCROLL FOR NEXT