திருப்பூரில் உள்ள பனியன் ஏற்றுமதி நிறுவனத்துக்கு பணியாளர்களைத் தேர்வு செய்வதற்கான நேர்காணல், மதுரையில் மே 23-ஆம் தேதி (செவ்வாய்க்கிழமை)நடைபெறும் என்று, மாவட்ட ஆட்சியர் கொ. வீரராகவ ராவ் தெரிவித்துள்ளார்.
   இது குறித்து அவர் வெளியிட்டுள்ள செய்தி: திருப்பூரில் செயல்படும் பனியன் ஏற்றுமதி நிறுவனத்துக்கு 500 பேர் தேர்வு செய்யப்பட உள்ளனர். 8 ஆம் வகுப்பு முதல் பட்டப் படிப்பு வரை படித்துள்ள 18 வயதிலிருந்து 35 வயதுக்குள்பட்ட பெண்கள் பங்கேற்கலாம். 6 மாதப் பயிற்சியும், அதன் பிறகு தகுதிக்கேற்ப சம்பள உயர்வும் வழங்கப்படும்.
   பயிற்சிக் காலத்தில் மாதம் ரூ. 5 ஆயிரம் சம்பளமாக அளிக்கப்படும். இப்பணியில் சேர விருப்பம் உள்ளவர்கள், மாவட்ட வேலைவாய்ப்பு அலுவலகத்தில் மே 23 ஆம் தேதி காலை 11 மணிக்கு நடைபெறும் தனியார் வேலைவாய்ப்பு முகாமில் பங்கேற்கலாம் என்றார்.