மதுரை

ஏ.வி.மேம்பாலத்தில் இஸ்ரேல் நாட்டுக் கொடியை பறக்கவிட்ட 3 போ் கைது

DIN

மதுரை கோரிப்பாளையம் ஏ.வி.மேம்பாலத்தில் வியாழக்கிழமை அனுமதியின்றி இஸ்ரேல் நாட்டுக் கொடியை பறக்கவிட்ட மூவரை போலீஸாா் கைது செய்தனா்.

மதுரை கோரிப்பாளையம் பகுதியில் உள்ள ஏ.வி. மேம்பாலத்தில் வியாழக்கிழமை மாலை 3 இளைஞா்கள் திடீரென இஸ்ரேல், இந்திய தேசியக் கொடிகள் அச்சிடப்பட்ட ‘பாரத் வித் இஸ்ரேல்’ என்ற வாசகத்துடன் கூடிய பதாகையை பாலத்தில் பறக்கவிட்டு இஸ்ரேலுக்கு ஆதரவாக முழக்கங்களை எழுப்பினா்.

மேலும், பயங்கரவாதத்தை முறியடிக்க இஸ்ரேலுக்கு ஆதரவு தெரிவிக்க வேண்டும், இந்தியா இந்து நாடு என்றும் முழக்கங்களை எழுப்பினா்.

தகவலறிந்து வந்த மதிச்சியம் போலீஸாா் பதாகையை பறிமுதல் செய்து, அவா்கள் மூவரையும் காவல் நிலையத்துக்கு அழைத்துச் சென்று விசாரணை நடத்தினா்.

விசாரணையில், அவா்கள் மதுரை கோரிப்பாளையத்தைச் சோ்ந்த ஆா்.எஸ்.எஸ். உறுப்பினா் பிரவீன், பாஜக இளைஞரணி மாவட்ட பொதுச் செயலா் ரகுபதி, இளைஞரணி துணைத் தலைவா் சரத்குமாா் ஆகியோா் என்பது தெரியவந்தது. இதையடுத்து, அவா்கள் மூவரையும் போலீஸாா் கைது செய்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

தனியார் தொலைக்காட்சி தொகுப்பாளர் பாலியல் வன்கொடுமை: கோயில் பூசாரி கைது

இன்ஸ்டாகிராம் மூலம் போதை மாத்திரை விற்பனை: இளைஞர் கைது

தமிழக பாடத்திட்டத்தில் தியாகிகள் வரலாறு மறைக்கப்பட்டுள்ளது

தடை செய்யப்பட்ட இயக்கத்துக்கு நபர் சேர்த்த வழக்கு: கரூர், குமரியில் விசாரணை

ஓபிசியினர் உரிமைகளைப் பறித்தது திரிணமூல் காங்கிரஸ்: பிரதமர் மோடி குற்றச்சாட்டு

SCROLL FOR NEXT