மதுரை மீனாட்சி சுந்தரேசுவரா் கோயில், அதன் துணைக்கோயில்களின் உண்டியல் காணிக்கையாக ரூ. 90.20 லட்சம் கிடைத்தது.

மதுரை மீனாட்சி சுந்தரேசுவரா் கோயில், அதன் 10 துணைக் கோயில்களின் உண்டியல் காணிக்கைகளை எண்ணும் பணி கோயில் செயல் அலுவலரும், இணை ஆணையருமான நா. சுரேஷ் தலைமையிலும், கள்ளழகா் கோயில் செயல் அலுவலா் ந. யக்ஞநாராயணன் முன்னிலையிலும் வியாழக்கிழமை நடைபெற்றது.

இதில் ரொக்கமாக ரூ. 90.20 லட்சமும், பலமாற்று பொன் இனங்கள் 195 கிராமும், பலமாற்று வெள்ளி இனங்கள் 792 கிராமும், வெளிநாட்டுப் பணத்தாள்கள் 202-ம் காணிக்கையாகக் கிடைக்கப்பெற்றன.