ராமநாதபுரம் சேதுபதி அரசு கலைக் கல்லூரி கௌரவ விரிவுரையாளர் பணிக்கு விண்ணப்பிக்கலாம்.
இது குறித்து அக்கல்லூரி முதல்வர்(பொறுப்பு) ஆ.குருசாமி புதன்கிழமை  வெளியிட்டுள்ள செய்திக்குறிப்பு விவரம்:  ராமநாதபுரம் சேதுபதி அரசினர் கலைக் கல்லூரியில் இயற்பியல் துறையில் 3 பேர், ஆங்கிலத்துறைக்கு ஒருவர் மற்றும் வேதியியல் துறைக்கு ஒருவர் என தாற்காலிக கௌரவ விரிவுரையாளர் பணியிடங்கள் காலியாகவுள்ளன. இப்பதவிகளுக்கு விண்ணப்பிக்க விரும்புவோர் செப். 8- ஆம் தேதி (வெள்ளிக்கிழமை) மாலை 5 மணிக்குள் விண்ணப்பிக்க வேண்டும்.  
பல்கலைக்கழக மானியக்குழு பரிந்துரை விதிகளின்படி நியமனம் நடைபெறும். விண்ணப்பிக்க விரும்புவோர் தன்விபரப் பட்டியலுடன் அனைத்து ஆவண நகல்களுடனும் அலுவலகத்தில் நேரடியாக விண்ணப்பிக்க வேண்டும் என அச்செய்திக்குறிப்பில் குறிப்பிடப்பட்டுள்ளது.