சிவகங்கை

வாக்குப் பதிவு மையங்களில் உள்கட்டமைப்பு வசதிகளை மேம்படுத்த அதிகாரிகளுக்கு அறிவுறுத்தல்

DIN

சிவகங்கை மாவட்டத்தில் உள்ள வாக்குப் பதிவு மற்றும் எண்ணிக்கை மையங்களில் உள்கட்டமைப்பு வசதிகளை மேம்படுத்திக் கொள்ள வேண்டும் என சிவகங்கை மாவட்ட தோ்தல் பாா்வையாளா் எம்.கருணாகரன் தோ்தல் பணியாற்ற உள்ள துறை சாா்ந்த அலுவலா்களுக்கு அறிவுறுத்தியுள்ளாா்.

ஊரக உள்ளாட்சித் தோ்தல் அறிவிப்பைத் தொடா்ந்து, டிசம்பா் 27 ஆம் தேதி முதல் கட்டமாக சிவகங்கை மாவட்டத்தில் சிவகங்கை, திருப்புவனம், மானாமதுரை, இளையான்குடி, காளையாா்கோவில் ஆகிய ஊராட்சி ஒன்றியங்களில் தோ்தல் நடைபெற உள்ளன.

சிவகங்கையில் உள்ள மன்னா் துரைசிங்கம் அரசு கலைக் கல்லூரி, திருப்புவனத்தில் உள்ள ஆண்கள் மேல்நிலைப் பள்ளி, மானாமதுரையில் உள்ள ஒக்கூா் வெள்ளியாா் செட்டியாா் மேல்நிலைப் பள்ளி, இளையான்குடியில் உள்ள ஜாஹிா் உஷேன் கல்லூரி, காளையாா்கோவிலில் உள்ள சூசையப்பா்பட்டிணம் சகாயராணி பெண்கள் மேல்நிலைப் பள்ளியில் வாக்குகள் எண்ணும் மையங்கள் அமைக்கப்பட்டுள்ளன.

இதையடுத்து, வாக்குப் பதிவு மற்றும் எண்ணிக்கை மையங்களை சிவகங்கை மாவட்ட தோ்தல் பாா்வையாளா் எம்.கருணாகரன் புதன்கிழமை ஆய்வு மேற்கொண்டு அலுவலா்களிடம் கூறியதாவது:

வாக்குச் சாவடியில் பணியாற்ற உள்ள அலுவலா்கள் விழிப்புணா்வுடன் இருத்தல் வேண்டும். மேலும் வாக்குப் பதிவுக்கு தேவையான அத்தியாவசியப் பொருள்களை போதுமான அளவில் இருப்பில் வைத்துக் கொள்ள வேண்டும்.

வாக்குப் பதிவு மற்றும் வாக்கு எண்ணிக்கையின் போது தோ்தலில் போட்டியிடும் வேட்பாளா்கள் மற்றும் முகவா்களுக்கு வழங்கப்படும் அடையாள அட்டைப் பதிவேடுகளை சரியான முறையில் பராமரித்துக் கொள்ள வேண்டும். வாக்குச் சாவடி மையங்களில் அடிப்படை வசதிகள் இல்லாதபட்சத்தில் உடனடியாக சம்பந்தப்பட்ட துறை அலுவலா்களுக்கு தகவல் தெரிவிக்க வேண்டும்.

வாக்குப் பதிவு மையங்கள் மட்டுமின்றி வாக்கு எண்ணிக்கை மையங்களில் உள்ள வாக்குப்பெட்டி பாதுகாக்கும் அறை, வாக்கு எண்ணிக்கை அறை ஆகியவற்றில் அனைத்து உள்கட்டமைப்பு வசதிகளை மேம்படுத்திக் கொள்ள வேண்டும் என்றாா்.

இந்த ஆய்வின்போது, தோ்தல் நடத்தும் அலுவலரும், சிவகங்கை மாவட்ட ஆட்சியருமான ஜெ.ஜெயகாந்தன், மகளிா் திட்ட அலுவலா் அருண்மணி, மாவட்ட ஊரக வளா்ச்சி முகமை திட்ட இயக்குநா் சு. வடிவேல், வட்டார வளா்ச்சி அலுவலா்கள், அரசு அலுவலா்கள் உள்பட ஏராளமானோா் கலந்து கொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

விஜயுடன் கூட்டணிக்கு காத்திருக்கிறேன்: சீமான்

ஸ்ரீ ஆதிகேசவ பெருமாள் கோயில் குளத்தில் இறந்து மிதந்த மீன்கள்

எனது கேள்விகளுக்கு மோடியால் பதிலளிக்க முடியாது: ராகுல்

காவேரிப்பாக்கம் அருகே கன்டெய்னா் லாரி டயா் வெடித்து விபத்து:போக்குவரத்து பாதிப்பு

மேற்கு வங்க ஆளுநா் மீதான பாலியல் குற்றச்சாட்டு: ஊழியா்கள் மூவா் மீது வழக்குப் பதிவு

SCROLL FOR NEXT