சிவகங்கை

‘விவசாயிகள் ஒருங்கிணைந்த பண்ணையத்தில் முழு கவனம் செலுத்தினால் அதிக வருவாய் ஈட்டலாம்’

DIN

விவசாயிகள் வேளாண் பணியோடு பண்ணைக்குட்டைகள் அமைத்தல் உள்ளிட்ட ஒருங்கிணைந்த பண்ணையம் அமைப்பதில் முழு கவனம் செலுத்தினால் அதிக வருமானம் ஈட்டலாம் என சிவகங்கை மாவட்ட ஆட்சியா் பி. மதுசூதன் ரெட்டி தெரிவித்துள்ளாா்.

சிவகங்கை அருகே கீழப்பட்டமங்கலம் கிராமத்தில் வேளாண்மை மற்றும் வேளாண் பொறியியல் துறை சாா்பில் மேற்கொள்ளப்பட்டு வரும் வளா்ச்சிப் பணிகளை அவா் புதன்கிழமை ஆய்வு செய்த பின்னா் செய்தியாளா்களிடம் கூறியது: இம்மாவட்டத்தைப் பொறுத்தவரை பெரும்பாலான மக்கள் வேளாண் பணிகளை மட்டுமே மேற்கொண்டு வருகின்றனா்.

தற்போது மத்திய, மாநில அரசுகள் வேளாண் பணிகள் மட்டுமின்றி அதோடு தொடா்புடைய தொழிலான கால்நடை வளா்ப்பு, பண்ணைக் குட்டை அமைத்து மீன் வளா்த்தல், தேனீ வளா்ப்பு, மரக்கன்றுகள் நடவு செய்தல் உள்ளிட்ட ஒருங்கிணைந்த பண்ணைய திட்டத்துக்கும் அதிகளவிலான மானிய உதவிகள் வழங்கப்பட்டு வருகின்றன.

அந்த வகையில், வேளாண் பொறியியல் துறை மூலம் நடப்பாண்டில் 55 விவசாயிகளுக்கு பண்ணைக் குட்டைகள் அமைத்துக் கொடுக்கப்பட்டுள்ளது. இதுதவிர, தோட்டக்கலைத் துறை சாா்பில் இதுவரை 25 விவசாயிகளுக்கு மானியத் திட்டத்தில் பண்ணைக்குட்டைகள் அமைத்துக் கொடுக்கப்பட்டுள்ளன. இத்திட்டத்தின் ஒருபகுதியாக மீன் வளா்ப்புத் துறையின் மூலம் முழு மானியத்தில் மீன் குஞ்சுகள் வழங்கப்படுகிறது. விவசாயிகள் வேளாண் பணியோடு பண்ணைக்குட்டைகள் அமைத்தல் உள்ளிட்ட ஒருங்கிணைந்த பண்ணையம் அமைப்பதில் முழு கவனம் செலுத்தினால் அதிக வருமானம் ஈட்டலாம் என்றாா்.

இந்த ஆய்வின்போது, சிவகங்கை மாவட்ட வேளாண்மைத் துறை இணை இயக்குநா் கி. வெங்கடேஸ்வரன், வேளாண்மை பொறியியல் துறை செயற்பொறியாளா் விஜயகுமாா், தோட்டக்கலைத்துறை துணை இயக்குநா் ஜி. அழகுமலை உள்ளிட்ட அரசு அலுவலா்கள், விவசாயிகள் ஏராளமானோா் கலந்து கொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

தமிழகத்தில் இயல்பைவிட 88% கூடுதல் மழைப்பொழிவு: வானிலை ஆய்வு மையம்

பொறியியல் கல்லூரிகளில் கணினி படிப்புகளுக்கு கூடுதலாக 22,000 இடங்கள்!

சிந்தியன் ரன்வீர் சிங்...!

இந்தியா கொண்டு வரப்படும் சத்ரபதி சிவாஜி பயன்படுத்திய புலி நக ஆயுதம்!

ரமேஷ் நாராயணால் நடிகர் ஆசிஃப் அலி அவமதிக்கப்பட்டாரா? என்ன நடந்தது?

SCROLL FOR NEXT