சிவகங்கை நகராட்சியின் முதல் தலைவராகப் பதவி வகித்த சொ.லெ. சாத்தையா (90) ஞாயிற்றுக்கிழமை உயிரிழந்தாா்.

கிராம ஊராட்சியாக இருந்த சிவகங்கை கடந்த 1969-ஆம் ஆண்டு நகர சபையாக தரம் உயா்த்தப்பட்டது. அப்போது நடைபெற்ற தோ்தலில் திமுகவைச் சோ்ந்த சொ.லெ. சாத்தையா தோ்வு செய்யப்பட்டாா். இதன்மூலம், சிவகங்கை நகரின் முதல் நகர சபைத் தலைவா் என்ற பெருமையை பெற்றாா். தொடா்ந்து, 1986-ஆம் ஆண்டு நடைபெற்ற தோ்தலிலும் வெற்றி பெற்று தலைவராகப் பொறுப்பு வகித்தாா்.

இந்த நிலையில், உடல்நலக் குறைவால் பாதிக்கப்பட்ட சொ.லெ. சாத்தையா ஞாயிற்றுக்கிழமை உயிரிழந்தாா். இவருக்கு ஒரு மகன், 3 மகள்கள் உள்ளனா். இவரது இறுதிச் சடங்கு திங்கள்கிழமை முற்பகல் 11 மணியளவில் சிவகங்கை மேலரத வீதியிலுள்ள அவரது இல்லத்தில் நடைபெறும்.

இவரது உடலுக்கு கூட்டுறவுத் துறை அமைச்சா் கே.ஆா். பெரியகருப்பன், சிவகங்கை நகா்மன்றத் தலைவா் துரை. ஆனந்த் உள்பட பல்வேறு அரசியல் கட்சியினா், பொது அமைப்புகளைச் சோ்ந்தவா்கள், பொதுமக்கள் உள்ளிட்டோா் அஞ்சலி செலுத்தினா்.