தேனி மாவட்டத்தில் இதுவரை 84  சதவிகிதம் குடும்பத்தினருக்கு மின்னணு குடும்ப அட்டை வழங்கப்பட்டுள்ளது.
மாவட்டத்தில் மொத்தம் 3 லட்சத்து 91 ஆயிரத்து 422 குடும்ப அட்டைகள் புழக்கத்தில் உள்ளன. இதில், 3 லட்சத்து 27 ஆயிரத்து 841 குடும்ப அட்டைதாரர்களுக்கு (84 சதவிகிதம்)  மின்னணு குடும்ப அட்டை வழங்கப்பட்டுள்ளது.
 63,581 குடும்ப அட்டைதாரர்களுக்கு வழங்கப்பட உள்ளது.
இதில், போடி வட்டாரத்தில் அதிக அளவில் 93 சதவிகிதம் குடும்பங்களுக்கு மின்னணு குடும்ப அட்டை வழங்கப்பட்டுள்ளது. தேனி வட்டாரத்தில் 87 சதவிகிதம் குடும்பங்களுக்கும்,  பெரியகுளம் வட்டாரத்தில் 69 சதவிகிதம், ஆண்டிபட்டி வட்டாரத்தில் 79 சதவிகிதம், உத்தமபாளையம் வட்டாரத்தில் 88 சதவிகிதம் குடும்பங்களுக்கு வழங்கப்பட்டுள்ளது.
 மின்னணு குடும்ப அட்டை பெற்றுள்ளவர்கள் இம்மாதம் (செப்டம்பர்) முதல் நியாய விலைக் கடைகளுக்கு அதை  கொண்டு சென்று பதிவு செய்து, பொருள்கள் பெறலாம் என்று மாவட்ட வழங்கல் அலுவலர் ரசிகலா தெரிவித்தார்.