தேனி மாவட்டம் சின்னமனூா் பூலாநந்தீஸ்வரா் - சிவகாமியம்மன் கோயில் சித்திரைத் திருவிழாவில் சுவாமி- அம்மன் எழுந்தருள 2 ஆம் நாள் தேரோட்டம் சனிக்கிழமை நடைபெற்றது.

இக்கோயிலில் சித்திரைத் திருவிழா கடந்த 7 ஆம் தேதி கொடியேற்றத்துடன் தொடங்கி நடைபெற்றது. 8 ஆம் நாளான வியாழக்கிழமை சுவாமி பூலாநந்தீஸ்வரா்- சிவகாமிஅம்மனுக்கு திருக்கல்யாணமும், 9 ஆம் நாளான வெள்ளிக்கிழமை காலை 10 மணிக்கு சுவாமி- அம்மன் தேரில் எழுந்தருள அன்று மாலையில் முதல்நாள் தேரோட்டம் நடைபெற்று நிறைவு பெற்றது.

2 ஆம் நாள் தேரோட்டம்: சனிக்கிழமை காலை 10 மணிக்கு தொடங்கிய 2 ஆம் நாள் தேரோட்டம் செக்காமுக்கிலிருந்து கிழக்கு ரதவீதிவழியாக கண்ணாடிக்கடை தெருவில் நிறுத்தப்பட்டது. அப்போது, மாலை 5 வரையில் அப்பகுதியைச் சோ்ந்த பக்தா்கள் சுவாமி தரிசனம் செய்தனா். இதனைத் தொடா்ந்து மாலை 5 மணிக்கு கண்ணாடிக்கடை தெருவிலிருந்து தெற்கு ரதவீதி, மேற்குரதவீதி, சீப்பாலக்கோட்டை சாலை, தேனி சாலை வழியாக தேரோட்டம் நடைபெற்றது. பின்னா் மாலை 6 மணிக்கு தோ் நிலையை அடைந்தது.

மின்வாரிய ஊழியா்களுக்கு பாராட்டு: வெள்ளிக்கிழமை நடைபெற்ற முதல் நாள் தேரோட்டத்தின் போது மழை பெய்தது. தோ் நகா்ந்து செல்லச்செல்ல பின்னால் வந்த மின்வாரிய ஊழியா்கள் தற்காலிகமாக துண்டிக்கப்பட்ட மின் இணைப்புகளை மழையில் நனைந்தபடியே இணைத்து வந்தனா். இவா்களை பக்தா்கள் பாராட்டினா்.