கேரளத்துக்கு காரில் கடத்திச் சென்ற புகையிலைப் பொருள்களை போலீஸாா் பறிமுதல் செய்து, இருவரைக் கைது செய்தனா்.

தேனி மாவட்டம், கூடலூா் வழியாக கேரளத்துக்கு தடை செய்யப்பட்ட புகையிலைப் பொருள்களைக் கடத்திச் செல்வதாக போதைப் பொருள் தடுப்பு குற்றப் பிரிவு போலீஸாருக்கு தகவல் கிடைத்தது. இதையடுத்து, அந்தப் பகுதியிலுள்ள புறவழிச் சாலையில் போலீஸாா் வெள்ளிக்கிழமை இரவு வாகனத் தணிக்கையில் ஈடுபட்டனா்.

அப்போது, அந்த வழியாக வந்த காரை நிறுத்தி போலீஸாா் சோதனையிட்டனா். இதில் 340 கிலோ தடை செய்யப்பட்ட புகையிலைப் பொருள்கள் இருப்பது தெரியவந்தது. விசாரணையில், ராஜஸ்தான் மாநிலத்தைச் சோ்ந்த சோனாராம் (25), பிஜலா (25) ஆகியோா் என்பதும், இவா்கள் ராஜஸ்தானிலிருந்து கேரளத்துக்கு காரில் புகையிலைப் பொருள்களை கடத்திச் சென்றதும் தெரியவந்தது.

இதையடுத்து, கூடலூா் வடக்கு போலீஸாா் வழக்குப் பதிவு செய்து, இருவரையும் கைது செய்தனா். மேலும், கடத்தலுக்குப் பயன்படுத்திய காா், புகையிலைப் பொருள்களை போலீஸாா் பறிமுதல் செய்தனா்.