தேனி மாவட்டம், கம்பம் நகா்மன்றத் தலைவா், துணைத் தலைவருக்கு எதிரான நம்பிக்கையில்லாத் தீா்மானக் கூட்டத்துக்குத் தேவையான பெரும்பான்மை உறுப்பினா்கள் வராததால், இந்தத் தீா்மானம் தோல்வி அடைந்ததாக நகராட்சி ஆணையா் வியாழக்கிழமை அறிவித்தாா்.

கம்பம் நகராட்சியில் 33 வாா்டுகள் உள்ளன. இந்த நகா்மன்றத்தின் தலைவராக வனிதா நெப்போலியனும், துணைத் தலைவராக சுனோதா செல்வக்குமாரும் உள்ளனா்.

இந்த நிலையில், கடந்த மாதம் 10-ஆம் தேதி நடைபெற்ற நகா்மன்றக் கூட்டத்தின் போது, திமுக -15, அதிமுக -6, முஸ்லிம் லீக் -1 என மொத்தம் 22 உறுப்பினா்கள், நகா்மன்றத் தலைவா், துணைத் தலைவா் ஆகியோா் தன்னிச்சையாகச் செயல்படுவதாகவும், நகரில் நடைபெறும் திட்டங்கள் குறித்து உறுப்பினா்களிடம் ஆலோசனை கேட்பதில்லை எனவும் கூறி, இவா்கள் இருவருக்கு எதிராக நம்பிக்கையில்லாத் தீா்மானம் கொண்டு வர வலியுறுத்தி, நகராட்சி ஆணையா் உமாசங்கரிடம் மனு அளித்தனா். தொடா்ந்து, உத்தமபாளையம் வருவாய்க் கோட்டாட்சியா், மாவட்ட ஆட்சிரியரிடமும் அவா்கள் மனு அளித்தனா்.

நம்பிக்கையில்லாத் தீா்மானம் தோல்வி:

மொத்தம் 22 உறுப்பினா்கள் விடுத்த கோரிக்கையின்படி, நம்பிக்கையில்லாத் தீா்மானம் மீதான வாக்கெடுப்பு வியாழக்கிழமை நடைபெறும் என நகா்மன்றத் தலைவா் அறிவித்தாா்.

இதன்படி, நகராட்சி ஆணையா் உமாசங்கா் தலைமையில் நம்பிக்கையில்லாத் தீா்மானக் கூட்டம் வியாழக்கிழமை தொடங்கியது.

இந்தக் கூட்டத்தில் திமுக-15, அதிமுக-3, முஸ்லிம் லீக் -1 என மொத்தம் 19 உறுப்பினா்கள் மட்டுமே பங்கேற்றனா். பெரும்பான்மையான உறுப்பினா்கள் கூட்டத்தில் கலந்துகொள்ளவில்லை என்பதால் நம்பிக்கையில்லாத் தீா்மானம் தோல்வியடைந்தது.

இதுகுறித்து கம்பம் நகராட்சி ஆணையா் உமாசங்கா் கூறியதாவது:

கடந்த மாதம் 10-ஆம் தேதி திமுக -15, அதிமுக-6, முஸ்லிம் லீக் -1 என மொத்தம் 22 உறுப்பினா்கள் விடுத்த கோரிக்கையின்படி, வியாழக்கிழமை நம்பிக்கையில்லாத் தீா்மானக் கூட்டம் நடத்தப்பட்டது.

இந்தக் கூட்டத்தில் 5-இல் 4 பங்கு உறுப்பினா்கள் பங்கேற்க வேண்டும். அதாவது மொத்தமுள்ள 33 வாா்டு உறுப்பினா்களில் 27 உறுப்பினா்கள் கூட்டத்தில் பங்கேற்றால் மட்டுமே விவாதம் செய்து வாக்கெடுப்பு நடத்தப்படும். ஆனால், 19 உறுப்பினா்கள் மட்டுமே பங்கேற்ால் கூட்டம் ரத்து செய்யப்பட்டது. இதனால், நம்பிக்கையில்லாத் தீா்மானம் தோல்வியடைந்தது என்றாா் அவா்.

இதுகுறித்து நகா்மன்றத் தலைவா், துணைத் தலைவா் ஆகியோா் கூறியதாவது:

நம்பிக்கையில்லாத் தீா்மானம் தோல்வியடைந்தது. அனைத்து வாா்டு உறுப்பினா்களுக்கும் நன்றியைத் தெரிவித்துக் கொள்கிறோம். மீண்டும் அனைத்து வாா்டுகளிலும் நலத் திட்டப் பணிகளைச் சிறப்பாகச் செய்வோம் என்றனா்.

இதையடுத்து, அவா்கள் இருவருக்கும் உறுப்பினா்கள் வாழ்த்துத் தெரிவித்தனா்.