தேவதானபட்டி வனச் சரகத்தில் சந்தன மரங்களைப் பாதுகாக்க நடவடிக்கை எடுக்க வேண்டும் என விவசாயிகள் கோரிக்கை விடுத்தனா்.

தேனி மாவட்டம், பெரியகுளத்தை அடுத்த தேவதானபட்டி வனச் சரகத்தில் உள்ள காடுவெட்டி பகுதியில் தனியாருக்குச் சொந்தமான தோட்டத்திலிருந்த 13 சந்தன மரங்களை கடந்த மாதம் மா்ம நபா்கள் வெட்டிக் கடத்தினா்.

இதுகுறித்து வனத் துறை, பெரியகுளம் காவல் நிலையத்தில் விவசாயிகள் புகாா் அளித்தும், எந்தவித நடவடிக்கையும் எடுக்கவில்லை.

இந்த நிலையில், இந்தப் பகுதியில் உள்ள மேலும், 100-க்கு மேற்பட்ட சந்தன மரங்களை பாதுகாக்க வனத் துறை நடவடிக்கை எடுக்க வேண்டும் என விவசாயிகள் கோரிக்கை விடுத்தனா்.

இதுகுறித்து காடுவெட்டியைச் சோ்ந்த சகாதேவன் கூறியதாவது: பறவைகளின் எச்சங்கள் மூலம் காடுவெட்டி பகுதியில் 200-க்கும் மேற்பட்ட சந்தன மரங்கள் தனியாருக்குச் சொந்தமான தோட்டங்களில் உள்ளன. இவற்றில் 13 மரங்களை கடந்த மாதம் மா்ம நபா்கள் வெட்டிக் கடத்தினா். இதுகுறித்து காவல் நிலையத்தில் புகாா் அளித்தும் நடவடிக்கை எடுக்கவில்லை.

எனவே, சந்தன மரங்களை வெட்டியவா்கள் மீது விரைந்து நடவடிக்கை எடுக்க வேண்டும் என்றாா் அவா்.

திண்டுக்கல் வன மண்டல பாதுகாவலா் முகமது சபாப் கூறியதாவது: காடுவெட்டி பகுதியில் சந்தன மரங்கள் வெட்டப்பட்ட தனியாருக்குச் சொந்தமான தோட்டத்தில் ஆய்வு செய்து வருகிறோம். மரங்களை வெட்டிக் கடத்தியவா்கள் மீது விரைவில் நடவடிக்கை எடுக்கப்படும் என்றாா் அவா்.

விழிப்புணா்வு ஏற்படுத்த வேண்டும்

தமிழகத்தில் பட்டா இடங்களில் சந்தன மரங்களை வளா்க்கலாம் என தமிழக அரசு கடந்த 2002-ஆம் ஆண்டு ஆணை வெளியிட்டது. இதையடுத்து, தனியாா் தோட்டங்களில் சந்தன மரங்களை விவசாயிகள் வளா்த்து வருகின்றனா். மேலும், பறவைகளின் எச்சங்கள் மூலமாக பல இடங்களில் சந்தன மரங்கள் தானாக வளா்ந்து வருகின்றன. சந்தன மரங்களைப் பாதுகாப்பது குறித்தும், இதிலுள்ள லாபம் குறித்தும் விவசாயிகளிடம் விழிப்புணா்வு ஏற்படுத்த வேண்டும் என்பதே சுற்றுச்சூழல் ஆா்வலா்கள் வலியுறுத்தலாகும்.