ராஜபாளையம் கட்டுவிநாயகர் கோவில் தெருவில் உள்ள ஸ்ரீராமதனலட்சுமி ஆரம்பப் பள்ளியில் கல்வி ஆண்டு பள்ளி தொடக்க விழா, காலை உணவு திட்டம் தொடக்க விழா மற்றும் நோட்டு புத்தகம் வழங்கும் விழா ஆகிய முப்பெரும் விழா புதன்கிழமை நடைபெற்றது.
விழாவை ராஜபாளையம் சட்டப்பேரவை உறுப்பினர் எஸ். தங்கப்பாண்டியன் தொடங்கிவைத்தார். பள்ளி தலைமை ஆசிரியர் பி. முரளிதரன் வரவேற்றார். விழாவில் திமுக நகரச் செயலர் பேங்க் பி. ராமமூர்த்தி, நகர துணைச் செயலர் சரவணன் மாவட்ட மாணவரணி துணை அமைப்பாளர் ஸ்டார் வேல்முருகன், மேற்கு ஒன்றிய இளைஞரணி துணை அமைப்பாளர் ச. அங்குராஜ் உள்ளிட்டோர் கலந்து கொண்டனர்.