தரங்கம்பாடி: தரங்கம்பாடி அருகே முதியவரை கொலை செய்த இளைஞரை போலீஸாா் புதன்கிழமை கைது செய்தனா்.

தரங்கம்பாடி அருகே மாணிக்கப்பங்கு ஊராட்சி ஆணைக்கோவிலை சோ்ந்தவா் அமிா்தலிங்கம் (65) (படம்). அதே பகுதியை சோ்ந்த ராசையன் மகன் ராஜமூா்த்தி. இவா்கள் இருவருக்கும் ஏதோ பிரச்னைக்காக வாக்குவாதம் ஏற்பட்டதாக கூறப்படுகிறது. அப்போது, குடிபோதையில் இருந்த ராஜமூா்த்தி கத்தியால் அமிா்தலிங்கத்தை கத்தியால் குத்தி கொலை செய்தாா். தகவலறிந்த பொறையாா் போலீஸாா் சம்பவ இடத்துக்கு சென்று ராஜமூா்த்தியை கைது செய்து விசாரணை மேற்கொண்டுள்ளனா். சம்பவ இடத்தில் மாவட்ட காவல் கண்காணிப்பாளா் ஸ்டாலின் விசாரணை மேற்கொண்டாா்.