புதுவையில் வேளாண் வானிலை முன்னறிவிப்பை மேம்படுத்துவது குறித்து அமைச்சருடன் வானிலை அதிகாரி ஆலோசனை நடத்தினாா்.

புதுதில்லியிலிருந்து இந்திய வானிலைத் துறையின் பொது இணை இயக்குநா் முனைவா் கே.கே.சிங் திங்கள்கிழமை காரைக்கால் வந்தாா். காரைக்கால் பண்டித ஜவாஹா்லால் நேரு வேளாண் கல்லூரி மற்றும் ஆராய்ச்சி நிலைய முதல்வா் வி. கந்தசாமி, வேளாண் வானிலை முன்னறிவிப்பு முதன்மை அதிகாரி அழ.நாராயணன் ஆகியோருடன் புதுச்சேரி வேளாண் அமைச்சா் ஆா்.கமலக்கண்ணனை காரைக்காலில் சந்தித்தாா்.

இந்த சந்திப்பு குறித்து அதிகாரிகள் தெரிவித்தது:

பிரான்ஸ் நாட்டில் மழை பெய்வதை வானிலை ஆய்வு மைம் விவசாயிகளுக்கு தக்க நேரத்தில் தெரிவிக்கிறது. இதனால், விவசாயிகள் மழையின் துல்லிய நேரத்தை தெரிந்துகொண்டு, வேளாண் பணிகளில் ஈடுபடுகிறாா்கள். இதுபோன்ற நிலையை புதுச்சேரி, காரைக்கால் விவசாயிகள் பயனடையும் வகையில் மேற்கொள்ளவேண்டியதன் அவசியம் குறித்து இயக்குநரிடம் அமைச்சா் கேட்டுக்கொண்டாா்.

தமிழகத்தில் மழை பெய்யும்போது காரைக்காலில் பெய்வதில்லை. காரைக்காலிலேயே ஒருசில இடங்களில் மழையும், மழையின்றியும் இருக்கிறது. இதற்கான அறிவிப்புகள் எவ்வாறு செய்யப்படுகிறது என அமைச்சா் கேட்டறிந்தாா்.

காரைக்கால் மாவட்டத்தை மூன்று மண்டலமாகப் பிரித்து, வேளாண் முன்னறிவிப்பு செய்துவருவதாக இயக்குநா் தெரிவித்தாா். புதுச்சேரியில் ஒரு வேளாண் வானிலை முன்னறிவிப்பு மையம் வரவுள்ளதாக இயக்குநா் தெரிவித்தாா். புதுச்சேரியிலும், காரைக்காலிலும் வேளாண் வானிலை முன்னறிவிப்பை எந்தளவுக்கு துல்லியமாக தெரிவிக்க முடியுமோ அந்த அளவுக்கு விவசாயிகள் பயனடைவாா்கள் எனவும், இதுகுறித்து உறுதியான நடவடிக்கை எடுக்குமாறு இயக்குநரிடம் அமைச்சா் கேட்டுக்கொண்டாா்.

மேலும், வேளாண் வானிலை முன்னறிவிப்பு உத்திகள் குறித்தும் அமைச்சா், அதிகாரிகளுடன் கலந்துரையாடினாா். வேளாண் வானிலை கையேட்டையும் அமைச்சா் பாா்வையிட்டாா் என அதிகாரிகள் தரப்பில் தெரிவிக்கப்பட்டது.

இந்த சந்திப்பில் காரைக்கால் கூடுதல் வேளாண் இயக்குநா் ஜே.செந்தில்குமாா் உள்ளிட்ட வேளாண் துறை அதிகாரிகளும் கலந்துகொண்டனா்.