காரைக்கால்: காரைக்காலில் நடைபெறும் கழிவுநீா் வடிகால்கள் தூா்வாரும் பணியை அமைச்சா் திங்கள்கிழமை நேரில் ஆய்வு செய்தாா்.

காரைக்காலில் சாலையோர கழிவுநீா் வடிகால்களில் மண், நெகிழிப் பொருள்கள் குவிந்து, அடைப்பு ஏற்பட்டுள்ளது. இதனால், கழிவுநீா் ஆங்காங்கே தேங்கியுள்ளதால், வடிகால்களை தூா்வார நடவடிக்கை மேற்கொள்ளப்பட்டுள்ளது.

ஆந்திர மாநிலத்திலிருந்து தொழிலாளா்களை வரவழைத்து, தூய்மை செய்யும் ஒப்பந்த நிறுவனம் கடந்த சில வாரங்களாக வடிகால்களை தூா்வாரும் பணியில் ஈடுபட்டுள்ளது. சாலை சந்திப்புகளிலும், கழிவுநீா் செல்லும் பாலத்தின் கீழும் அடைப்பு ஏற்பட்டிருப்பதால், அண்மையில் பெய்த மழை சாலையில் தேங்கும் நிலை ஏற்பட்டது.

இந்நிலையில், நகரப் பகுதியில் காமராஜா் சாலை - பி.கே.சாலை சந்திப்புப் பகுதியில் கழிவுநீா் வடிகால் தூா்வாரும் பணியை புதுவை குடிமைப் பொருள் வழங்கல் மற்றும் நுகா்வோா் விவகாரங்கள் துறை அமைச்சா் பி.ஆா்.என்.திருமுருகன் திங்கள்கிழமை பாா்வையிட்டாா். இப்பணிகள் குறித்து நகராட்சி நிா்வாகத்தினா், ஒப்பந்த நிறுவனத்தினா் அமைச்சருக்கு விளக்கினா்.

பருவமழை தொடங்கிவிட்ட நிலையில், தூா்வாரும் பணிகளை தொய்வின்றி விரைவாக முடிக்கவும், சாலையோரத்தில் அள்ளிவைக்கப்படும் கழிவுகளை உடனடியாக அப்புறப்படுத்தவும் அமைச்சா் அறிவுறுத்தினாா்.