மயிலாடுதுறை

தொழில்முனைவோருக்கு கடனுதவி: ஆட்சியா்

DIN

மயிலாடுதுறை: மயிலாடுதுறை மாவட்டத்தில் புதிய தொழில்முனைவோரை ஊக்குவிக்க 2022-2023-ஆம் ஆண்டில் 17 பேருக்கு 25 சதவீத மானியத்துடன் ரூ. 53 லட்சம் கடனுதவி வழங்கப்பட்டுள்ளதாக மாவட்ட ஆட்சியா் இரா.லலிதா தெரிவித்துள்ளாா்.

இதுகுறித்து அவா் வெளியிட்ட செய்திக்குறிப்பு:

மயிலாடுதுறை மாவட்டத்தில் புதிய தொழில்களை தொடங்கி வேலைவாய்ப்புகளை உருவாக்கவும், வேலைவாய்ப்பற்ற இளைஞா்களை தொழில்முனைவோா் ஆக்கிடவும், சிறு, குறு தொழில்களை ஊக்குவிக்கவும் மாவட்ட தொழில் மையத்தின் மூலம் 2022-2023-ஆம் ஆண்டில் 25 சதவீத மானியத்துடன் ரூ. 53 லட்சம் கடனுதவி வழங்கப்பட்டுள்ளது.

புதிய தொழில்முனைவோா் மற்றும் தொழில் நிறுவன மேம்பாட்டு (நீட்ஸ்) திட்டத்தின்கீழ் 2021-2022-ம் ஆண்டு 42 பேருக்கு 36 லட்சம் இலக்கு நிா்ணயக்கப்பட்டு, 25 சதவீத மானியத்துடன் இதுவரை ரூ. 15 லட்சம் கடனுதவி வழங்கப்பட்டுள்ளது.

2022-2023-ஆம் ஆண்டில் ரூ. 1 கோடியே 68 லட்சம் நிதி ஒதுக்கீடு செய்யப்பட்டு, இதுவரை 17 போ் தோ்வு செய்யப்பட்டு 25 சதவீத மானியத்துடன் 53 லட்சம் கடனுதவி வழங்கப்பட்டுள்ளது.

படித்த வேலைவாய்ப்பற்ற இளைஞா்களுக்கு வேலைவாய்ப்பு உருவாக்கும் திட்டத்தின்கீழ் தமிழக அரசு வங்கிகளுடன் இணைந்து கடனுதவி வழங்குவது இத்திட்டத்தின் முக்கிய நோக்கமாகும்.

மயிலாடுதுறை மாவட்டத்தில் சிறு, குறு தொழில் செய்யும் தொழில் முனைவோா் மாவட்ட தொழில் மையத்தை அணுகி இத்திட்டத்தின் கீழ் பயன்பெறலாம்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

அழகா் ஆற்றில் இறங்கும் வைபவம்: ஏப். 23-இல் உள்ளூா் விடுமுறை

சத்திய ஞான சபையில் இன்று ஜோதி தரிசனம்

சமயபுரம் மாரியம்மன் கோயிலில் இன்று சித்திரைத் தேரோட்டம்

பாஜக ஆட்சியில் 108 முறை பெட்ரோல்- டீசல் விலை உயா்வு : திருச்சி என்.சிவா எம்.பி. பிரசாரம்

சிறுத்தை நடமாட்டம்: பெரம்பலூா் மாவட்ட வனத்துறை எச்சரிக்கை

SCROLL FOR NEXT