நாகப்பட்டினம்

அயோத்தி ராமா் கோயில் பணிகள் வரும் ராம நவமியன்று தொடங்கும்

DIN

மயிலாடுதுறை: அயோத்தி ராமா் கோயில் பணிகள் வரும் ராம நவமி அன்று (ஏப்ரல் 2) தொடங்கும் என மயிலாடுதுறையில் விசுவ ஹிந்து பரிஷத் அகில இந்திய துணைத் தலைவா் பாலகிருஷ்ணன் நாயக் தெரிவித்தாா்.

நாகை மாவட்டம், மயிலாடுதுறையில் தென்தமிழ்நாடு விசுவ ஹிந்து பரிஷத் சிறப்பு ஆலோசனைக் கூட்டம் ஞாயிற்றுக்கிழமை நடைபெற்றது.

இதில், விசுவ ஹிந்து பரிஷத் அகில பாரத துணைத் தலைவா் மகாராஷ்ட்ராவைச் சோ்ந்த பாலகிருஷ்ணநாயக் சிறப்பு அழைப்பாளராக பங்கேற்றுப் பேசியது: புண்ணிய பூமியான பாரத நாட்டுக்கு மதமாற்றம், பயங்கரவாதம், மேல்நாட்டு நுகா்வு, கலாசாரம் மூலம் அபாயம் ஏற்பட்டுள்ளது. இவற்றை முறியடித்து தேசத்தைக் காக்க இந்துக்கள் ஜாதி வேறுபாடின்றி ஒன்றிணைந்து பாரம்பரிய வழிபாட்டு முறைகளை காத்திட வேண்டும். ராமா் கோயில் அமைக்க உச்ச நீதிமன்ற உத்தரவுப்படி 15 போ் கொண்ட அறக்கட்டளையை பிரதமா் நரேந்திர மோடி அறிவித்துள்ளாா்.

இதில், தமிழ்நாட்டைச் சோ்ந்த முன்னாள் அட்டா்னி ஜெனரல் கே. பராசரன் இடம் பெற்றுள்ளாா். அயோத்தி ராமா் கோயில் பணிகள் வரும் ராம நவமி அன்று (ஏப்ரல் 2) தொடங்கும். ராமபிரான் எடுத்துக்காட்டிய தரும நெறிகளை அனைவரும் கடைப்பிடிக்க வேண்டும் என்றாா் அவா்.

அப்போது, மத்திய அரசு வழக்குரைஞா் கே. ராஜேந்திரன் சிறப்பு அழைப்பாளருக்கு நினைவுப் பரிசு வழங்கினாா். கூட்டத்துக்கு, மாநில துணைத் தலைவா் வாஞ்சிநாதன் தலைமை வகித்தாா். பாஜக தேசிய செயற்குழு உறுப்பினா் கே. ராஜேந்திரன், விஹெச்பி மாவட்ட தலைவா் வழக்குரைஞா் வேணுகோபால், மாவட்டச் செயலாளா் அரங்க செல்வராஜ், மாவட்ட துணைத் தலைவா் சதானந்தம், பொருளாளா் ஏவிசி நாகராஜ் ஆகியோா் முன்னிலை வகித்தனா்.

கூட்டத்தில், திருவாரூா் மாவட்டச் செயலாளா் செந்தில், மாவட்டத் தலைவா் பிரபாகா், பாஜக தேசிய பொதுக் குழு உறுப்பினா் கோவி. சேதுராமன், நகரத் தலைவா் மோடி.கண்ணன் உள்ளிட்டோா் கலந்துகொண்டனா். முன்னதாக, பாலகிருஷ்ணன் நாயக், தருமபுரம் ஆதீனம் 27-ஆவது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகளை சந்தித்து ஆசி பெற்றாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

சூர்யா - 44 படத்தின் நடிகர்கள் இவர்களா?

மிஸோரம்: 3வது நாளாகத் தொடரும் மீட்புப் பணி!

பிரக்ஞானந்தா, வைஷாலி அசத்தல்! தாய் நாகலட்சுமிக்கு சிறப்புப் பதிவு!

கோவா மாநில தினத்தை முன்னிட்டு திரௌபதி முர்மு வாழ்த்து

நார்வே செஸ்: கார்ல்சனை வீழ்த்திய பிரக்ஞானந்தா!

SCROLL FOR NEXT