நாகப்பட்டினம்

மாப்படுகை-கடலங்குடி சாலையில் ரூ.3.97 கோடியில் புதிய பாலம்: எம்எல்ஏ வீ. ராதாகிருஷ்ணன் அடிக்கல் நாட்டினாா்

DIN

மயிலாடுதுறை மாப்படுகை-கடலங்குடி சாலையில் காவிரி ஆற்றின் குறுக்கே ரூ.3.97 கோடி மதிப்பீட்டில் புதிய பாலம் கட்டும் பணியை மயிலாடுதுறை சட்டப் பேரவை உறுப்பினா் வீ.ராதாகிருஷ்ணன் வியாழக்கிழமை அடிக்கல் நாட்டி தொடங்கி வைத்தாா்.

மயிலாடுதுறையில் காவிரி ஆற்றின் குறுக்கே மாப்படுகை- கடலங்குடி சாலையில் மூவலூா் நீா் ஒழுங்கி அருகில் ஏற்கெனவே இருந்த பாலம் பழுதடைந்தது. இதையடுத்து, இப்பகுதிக்கு விரைவில் புதிய பாலம் அமைத்துத் தர பொதுமக்கள் கோரிக்கை விடுத்திருந்தனா். இந்நிலையில், நபாா்டு மற்றும் கிராமச்சாலைகள் திட்டத்தில் ரூ.3.97 கோடி மதிப்பீட்டில் புதிய பாலம் அமைக்கும் பணிக்கு நிதி ஒதுக்கீடு செய்யப்பட்டு, அதன் பூமிபூஜை நடைபெற்றது.

இதில், மயிலாடுதுறை சட்டப் பேரவை உறுப்பினா் ராதாகிருஷ்ணன் பங்கேற்று, புதிய பாலம் அமைக்கும் பணியை அடிக்கல் நாட்டி தொடங்கி வைத்தாா். இதில், அதிமுக ஒன்றியச் செயலாளா் சந்தோஷ்குமாா், நகரச் செயலாளா் விஜிகே.செந்தில்நாதன், முன்னாள் நகரச் செயலாளா் எஸ்.அலி, உதவி கோட்ட பொறியாளா் டி.சிவக்குமாா், உதவி பொறியாளா் ரா.பிரவீண்குமாா் மற்றும் அதிமுக நிா்வாகிகள் திரளானோா் கலந்து கொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

இறுதி வாக்குப் பதிவு நிலவரம் எப்போது கிடைக்கும்? தலைமைத் தோ்தல் அதிகாரி சத்யபிரத சாகு தகவல்

காங்கிரஸ் உருவாக்கிய பிரச்னைகளுக்கு பாஜக ஆட்சியில் தீா்வு: பிரதமா் மோடி

வாக்கு எண்ணும் மையங்களில் காவல் ஆணையா் ஆய்வு

அரசமைப்பை மாற்றும் பாஜகவின் முயற்சிகளை ‘இந்தியா’ கூட்டணி தகா்க்கும்: ராகுல் காந்தி

எலான் மஸ்கின் இந்திய பயணம் ஒத்திவைப்பு

SCROLL FOR NEXT