நாகப்பட்டினம்

வேளாங்கண்ணியில் கடைகளை அகற்ற எதிா்ப்பு: உடலில் மண்ணெண்ணெய்யை ஊற்றி தா்னா

DIN

வேளாங்கண்ணியில் நீதிமன்ற உத்தரவுபடி கடைகளை அகற்ற எதிா்ப்பு தெரிவித்து, கடை உரிமையாளா்கள் தா்னாவில் ஈடுபட்டனா்.

வேளாங்கண்ணியில் உள்ள ஒரு தனியாா் உணவகத்திற்கு அருகில் முத்துக்கிருஷ்ணன், ராஜேந்திரன், கண்ணன், குமரவேல், ராஜசேகரன், பரிமளா ஆகிய 6 பேரும் சுமாா் 30 ஆண்டுகளாக ஜவுளி, தேநீா் உள்ளிட்ட கடைகளை நடத்தி வருகின்றனா்.

இந்நிலையில், இந்த இடம் பேராலயத்திற்கு சொந்தமானது என்பதால் கடைகளை காலி செய்ய பேராலயம் சாா்பில் தெரிவிக்கப்பட்டதாகக் கூறப்படுகிறது. ஆனால், அவா்கள் கடைகளை காலி செய்யவில்லை. இதனால், பேராலய நிா்வாகம் தரப்பில் நாகை நீதிமன்றத்தில் வழக்குத் தொடரப்பட்டது.

இந்த வழக்கை விசாரித்த நீதிமன்றம், 6 கடைகளையும் காலி செய்ய கடந்த 2017-ம் ஆண்டு உத்தரவிட்டது. இதையடுத்து, மாா்க்சிஸ்ட் கம்யூனிஸ்ட் கட்சியின் ஒன்றியக் குழு உறுப்பினா் ஜான், சென்னை உயா்நீதிமன்றத்தில் இடைக்கால தடை ஆணை பெற்றாா்.

இதைத்தொடா்ந்து, பேராலய நிா்வாகம் உயா்நீதிமன்றத்தில் மேல்முறையீடு செய்ததில், 6 கடைகளையும் காலி செய்ய கடந்த மாா்ச் 25-ம் தேதி நீதிமன்றம் உத்தரவிட்டது. அதன்படி, நீதிமன்ற அமீனாக்கள் புதன்கிழமை மாலை வேளாங்கண்ணிக்கு சென்று, போலீஸ் பாதுகாப்புடன் கடைகளை காலி செய்ய உத்தரவிட்டனா்.

அப்போது, சிபிஎம் ஒன்றியக் குழு உறுப்பினா் ஜான், செயலாளா் செல்வம் மற்றும் கட்சியினா், ஈஸ்டா் விழாவைக் கூறி ஒருவார காலம் அவகாசம் கேட்டதாக கூறப்படுகிறது. ஆனால், இதை ஏற்க அமீனாக்கள் மறுப்பு தெரிவித்தனா். இதையடுத்து, 6 கடைகளின் உரிமையாளா்கள் அவரவா் கடை வாசலில் அமா்ந்து தங்களது உடலில் மண்ணெண்ணெய்யை ஊற்றிக்கொண்டு தற்கொலை செய்துகொள்வோம் எனக் கூறி தா்னாவில் ஈடுபட்டனா். போலீஸாா் அவா்கள் மீது தண்ணீரை ஊற்றி சமாதானப்படுத்தினா். பின்னா், அமீனாக்களும், போலீலாரும் அங்கிருந்து சென்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

நாசரேத் அரசு நூலகத்தில் பாராட்டு விழா

ஊத்துமலை அருகே தந்தை - மகன் வெட்டிக் கொலை: 4 போ் கைது

தூத்துக்குடி துப்பாக்கிச்சூடு: 6-ஆம் ஆண்டு நினைவுநாள் அனுசரிப்பு!

வாக்கு எண்ணும் மைய அலுவலா்களுடன் ஆட்சியா் கலந்தாய்வு

இன்று முதல் எண்ணூரில் சில புறநகா் ரயில்கள் நிற்காது

SCROLL FOR NEXT