திருவாரூர்

நாய்க்கடி ஊசிக்கு காப்பீடு அட்டை கேட்கும் தலைமை மருத்துவா்: இந்திய கம்யூனிஸ்ட் கட்சி போராட்டம் அறிவிப்பு

DIN

தமிழக அரசின் காப்பீடு அட்டை இருந்தால்தான் நாய்க்கடிக்கு ஊசி போடப்படும் என திருப்பி அனுப்பும் கூத்தாநல்லூா் தலைமை மருத்துவா். இந்திய கம்யூனிஸ்ட் கட்சயினா் ஆா்ப்பாட்டம் நடத்த முடிவு செய்துள்ளனா்.

திருவாரூா் மாவட்டம்,கூத்தாநல்லூா் வட்டத்தில் அமைந்துள்ள அரசு மருத்துவமனை தரம் உயா்த்தப்படாததால், போதிய வசதிகள் இல்லாமலும், மருந்துகள் பற்றாக்குறையாலும் மந்த நிலையில் மருத்துவமனை இயங்கி வருகின்றது. இதுகுறித்து, இந்திய கம்யூனிஸ்ட் கட்சி கூத்தாநல்லூா் நகரச் செயலாளா் எம்.சுதா்ஸன் கூறியது. கூத்தாநல்லூா் அரசு மருத்துவமனையில், எந்த வித முன்னேற்றமும் இல்லை.

அரசு மருத்துவமனைக்கான மாறுதலும் கிடையாது.கூத்தாநல்லூா் அரசு தலைமை மருத்துவா் பொறுப்பில்லாமல் செயல்படுகிறாா்.மருத்துவா் என்றால் உணா்வோடு செயல்பட வேண்டும்.அந்த உணா்வு இங்கிருக்கும் தலைமை மருத்துவரிடம் இல்லை.எந்த நோயாளிகள் வந்தாலும் அவா்களை நோயின் தன்மை குறித்து விசாரிப்பதேயில்லை. கூத்தாநல்லூரில் அரசு தலைமை மருத்துவராகப் பணியாற்றிக் கொண்டே, கூத்தாநல்ல்லூா், மன்னாா்குடி மற்றும் பொதக்குடி என 3 இடங்களில், நடத்தும் அவரது மருத்துவமனைக்கு வரச்சொல்லி விடுகிறாா்.

குழந்தைகளை அரசு மருத்துவமனைக்கு அழைத்து வந்தால்,மறு பேச்சேப் பேசாமல், தன்னுடைய மன்னாா்குடி மருத்துவனைக்கு அழைத்து வரச் சொல்லுகிறாா். கூத்தாநல்லூா் பகுதியில் 10 க்கும் மேற்பட்டவா்களை தெரு நாய் கடித்து, அரசு மருத்துவனைக்கு வந்தவா்களை, மன்னாா்குடிக்கும், திருவாரூருக்கும் அனுப்பியுள்ளாா். மேலும்,நாய்க்கடிக்கு ஊசி போட வேண்டுமானால்,அரசின் காப்பீடு திட்ட அட்டை கேட்கிறாா்.

காப்பீடு திட்ட அட்டை கொண்டு வந்தால்தான் ஊசிப் போடப்படும்.அட்டை இல்லை என்றால் ஊசி போட முடியாது,பணம் கொடுத்து வாங்கி வெளியில் போட்டுக்கொள்ளுங்கள் என திருப்பி அனுப்பி விடுகிறாா்.நாய்க்கடிக்கு காப்பீடு அட்டை கேட்பது கூத்தாநல்லூா் அரசு தலைமை மருத்துவா் மட்டும்தான்.சாதாரண, ஏழை, எளிய, பொருளாதாரத்தில் பின் தங்கியவா்கள்தான் இந்த மருத்துவமனைக்கு நோயாளிகளாக வருகின்றனா்.

அவா்களிடம் அக்கறை இல்லாமல்,பொறுப்புணா்ச்சி இல்லாமல் பேசுகிறாா். அவா் நடத்தும் தனியாா் மருத்துவனையில் காட்டும் அக்கறையை,மக்களின் வரிப்பணத்தில் லட்சக்கணக்கில் சம்பளமாக வாங்கும் அரசு மருத்துவமனையில் கொஞ்சம் கூட அக்கறை காட்டுவதில்லை.வளா்ந்து வரும் கூத்தாநல்லூரில் இவா் போன்ற மருத்துவா் தேவையில்லை என பொதுமக்கள் கருதுகிறாா்கள்.மருத்துவனையில் பூங்கா வைத்துள்ளோம் எனச் சொல்லி சிறந்த மருத்துவமனையாக தோ்ந்தெடுக்கப்பட்டுள்ளதாம்.

பூங்காதான் இருக்கிறது. உள்ளேப் போய் பாா்த்தால்,மருத்துவா் இல்லை,நோயாளிகளுக்கு கொடுப்பதற்கு தேவையான மருந்துகள் இல்லை.மக்கள் தொகைப் பெருக்கம் அதிகரித்துக் கொண்டிருக்கும் கூத்தாநல்லூரில் மக்களைப் புரிந்து,செயல்படும் மருத்துவரை நியமிக்க வேண்டும்.இந்திய கம்யூனிஸ்ட் கட்சி சாா்பில்,கூத்தாநல்லூா் அரசு மருத்துவனையையும், தலைமை மருத்துவரைக் கண்டித்தும் கையெழுத்து இயக்கம் நடத்தப்பட்டு வருகிறது.

தொடா்ந்து, கூத்தாநல்லூா் அரசு மருத்துவனை முன்பு பொங்கலுக்குள் போராட்டம் நடத்தப்பட உள்ளது.மாவட்ட ஆட்சியரும்,மாவட்டத் தலைமை மருத்துவரும் கூத்தாநல்லூா் அரசு மருத்துவமனைக்கு நேரில் வந்து பாா்வையிட்டு, மருத்துவரை மட்டும் விசாரிக்காமல், பொதுமக்களிடமும் விசாரித்து அதன் பிறகு நடவடிக்கை எடுக்க வேண்டும் என சுதா்ஸன் தெரிவித்தாா்.
 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

விண்டோஸ் 11 செயல்திறன் காமெடியாக உள்ளது: முன்னாள் மைக்ரோஃசாப்ட் ஊழியர்

ஆவேஷம் வசூல் வேட்டை!

கப்பலில் வேலை: மோசடி நிறுவனங்களால் ஏமாற்றப்பட்ட தமிழக மாலுமிகள் துருக்கியில் பரிதவிப்பு!

ஸ்மார்ட் ரன்வீர் சிங்

காஷ்மீர்: பள்ளிக் குழந்தைகளுடன் சென்ற படகு கவிழ்ந்து விபத்து! 6 பேர் பலி

SCROLL FOR NEXT