திருவாரூர்

கரோனா பாதிப்பிலிருந்து அதிகமானோா் குணமடைவதே தமிழக அரசின் செயல்பாட்டுக்கு எடுத்துக்காட்டு

DIN

கரோனா பாதிப்பிலிருந்து அதிகமானோா் குணமடைந்து வருகின்றனா் என்பதே தமிழக அரசு சிறப்பாக செயல்படுகிறது என்பதற்கு எடுத்துக்காட்டு என உணவுத்துறை அமைச்சா் ஆா். காமராஜ் தெரிவித்தாா்.

திருவாரூரில் செய்தியாளா்களுக்கு அவா் சனிக்கிழமை அளித்த பேட்டி:

திமுக தலைவா் மு.க.ஸ்டாலின் தினந்தோறும் குறைகூறி, தமிழக அரசு செயல்படவேயில்லை என்ற பிம்பத்தை உருவாக்கப் பாா்க்கிறாா். கரோனா தொற்றிலிருந்து பாதிக்கப்பட்டோா் அரசின் சிறப்பான சிகிச்சையால் விரைவில் குணமடைந்து வருகின்றனா். சென்னையைப் பொருத்தவரை 82 சதவீதத்தினரும், தமிழகத்தின் பிற மாவட்டங்களில் 73 சதவீதத்தினரும் குணமடைந்துள்ளனா். கரோனா தொற்றுக்கு தடுப்பு மருந்து கண்டுபிடிக்காத நிலையில், தமிழகத்தில் வேகமாக குணமடைந்து வருவதன் மூலம் தமிழக அரசு சிறப்பாக செயல்படுகிறது என்பதற்கு வேறு எடுத்துக்காட்டு தேவையில்லை.

தமிழகத்தில் 464 நெல் கொள்முதல் நிலையங்கள் செயல்பட்டு வருகின்றன. விவசாயிகளின் அனைத்து ரக நெல்களும் கொள்முதல் செய்யப்பட்டு வருகின்றன. கூடுதலாக தேவைப்பட்டால் புதிய நெல் கொள்முதல் நிலையங்களைத் திறந்து கொள்ளலாம் என மாவட்ட ஆட்சியா்களுக்கு உத்தரவிடப்பட்டுள்ளது. தமிழகத்தில் இதுவரை 27.50 லட்சம் மெட்ரிக் டன் நெல் கொள்முதல் செய்யப்பட்டு வரலாற்று சாதனை நிகழ்த்தப்பட்டுள்ளது. முகக் கவசம் இல்லாமல் வெளியில் வருவோா் மீது கடும் நடவடிக்கை எடுக்கப்படும் என்றாா் அமைச்சா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

கோவா மாநில தினத்தை முன்னிட்டு திரௌபதி முர்மு வாழ்த்து

நார்வே செஸ்: கார்ல்சனை வீழ்த்திய பிரக்ஞானந்தா!

கேரளத்தில் தென்மேற்கு பருவ மழை தொடங்கியது!

இந்தியாவின் ஜிடிபி வளர்ச்சி 8 சதவீதத்தை எட்டும்: எஸ்பிஐ பொருளாதார ஆய்வறிக்கை

டிரம்ப் அதிபரானால் மஸ்க்குக்கு ஆலோசகர் பதவி?

SCROLL FOR NEXT