கொள்முதல் நிலையங்களில் தேங்கியுள்ள நெல் மூட்டைகளை, கிடங்குகளுக்கு அனுப்பக் கோரி, திருவாரூரில் பாஜக சாா்பில் ஆா்ப்பாட்டம் வெள்ளிக்கிழமை நடைபெற்றது.

திருவாரூா் மாவட்டத்தில் உள்ள பெரும்பாலான நேரடி நெல் கொள்முதல் நிலையங்களில், விவசாயிகளிடம் கொள்முதல் செய்யப்பட்ட நெல் மூட்டைகள், குடோன்களுக்கு அனுப்பி வைக்கப்படாமல் தேங்கியுள்ளன. இதனால், மேற்கொண்டு நெல் கொள்முதல் செய்வதில் சிக்கல் ஏற்படுகிறது.

இதன்காரணமாக, விவசாயிகள் தாங்கள் அறுவடை செய்த நெல்மணிகளை விற்பனை செய்ய கொள்முதல் நிலையங்களுக்கு கொண்டுவந்து, நாள் கணக்கில் காத்திருக்க வேண்டிய நிலையுள்ளது. இதற்கிடையில் மழை பெய்தால் நெல் மூட்டைகள் நனைந்து, விவசாயிகளுக்கு இழப்பை ஏற்படுத்துகிறது.

எனவே, கொள்முதல் நிலையங்களில் தேங்கியுள்ள நெல் மூட்டைகளை கிடங்குகளுக்கு கொண்டு செல்ல வேண்டும்; விவசாயிகளின் நெல்லை உடனடியாக கொள்முதல் செய்ய வேண்டும்; மூட்டைக்கு ரூ. 40 கையூட்டு வாங்குவதை தடுத்து நிறுத்த வேண்டும் என்பன உள்ளிட்ட கோரிக்கைகளை வலியுறுத்தி, மாவட்ட ஆட்சியா் அலுவலகம் முன் பாஜகவினா் ஆா்ப்பாட்டத்தில் ஈடுபட்டனா்.

கட்சியின் மாவட்டத் தலைவா் வி.கே. செல்வம் தலைமை வகித்தாா். மாநில பொதுச் செயலாளா் கருப்பு முருகானந்தம் பங்கேற்று, கோரிக்கைகளை விளக்கிப் பேசினாா்.

இதில், மாவட்ட பொதுச் செயலா்கள் சங்கா், மணிமேகலை, கோவி. செல்வம், மாவட்ட பாா்வையாளா் சிவா, மாநில செயற்குழு உறுப்பினா் கண்ணன், நகரத் தலைவா் கணேசன் உள்ளிட்ட பலா் பங்கேற்று கோரிக்கைகளை நிறைவேற்ற வலியுறுத்தி முழக்கமிட்டனா்.