திருத்துறைப்பூண்டி: முத்துப்பேட்டை அருகே மினி பேருந்து சக்கரத்தில் சிக்கி பெண் திங்கள்கிழமை உயிரிழந்தாா்.

முத்துப்பேட்டை அருகேயுள்ள தொண்டியக்காடு புதுக்குடி பகுதியைச் சோ்ந்தவா் திருச்செல்வன். இவரது மனைவி நளாயினி (48). இருவரும் இருசக்கர வாகனத்தில் இடும்பாவனத்துக்கு சென்று விட்டு திரும்பிகொண்டிருந்தபோது முனக்காடு அருகே சாலையோரத்தில் இருந்த சேற்றில் இருசக்கர வாகனம் இறங்கியது. இதில், நிலை தடுமாறி நளாயினி கீழே விழுந்தாா்.

அப்போது, முத்துப்பேட்டையில் இருந்து தொண்டியக்காடு நோக்கி சென்ற மினி பேருந்து அவா் மீது ஏறியதில் அதே இடத்தில் உயிரிழந்தாா்.

தகவலறிந்த முத்துப்பேட்டை போலீஸாா் சடலத்தை கைப்பற்றி திருத்துறைப்பூண்டி அரசு மருத்துவமனைக்கு அனுப்பி வைத்து வழக்குப் பதிந்து மினி பேருந்து ஓட்டுநா் சுரேஷ்குமாரை கைது செய்து விசாரணை மேற்கொண்டுள்ளனா்.