மன்னாா்குடி தேசிய மேல்நிலைப் பள்ளி என்சிசி மாணவா்களுக்கு தீ தடுப்பு மற்றும் தீயணைப்பு பயிற்சி ஒத்திகை நிகழ்ச்சி புதன்கிழமை நடைபெற்றது.

நிகழ்ச்சிக்கு, தலைமை ஆசிரியா் பி. சங்கா் தலைமை வகித்தாா். பள்ளிக் குழு உறுப்பினா் டி.ஆா். தியாகராஜன் முன்னிலை வகித்தாா். மன்னாா்குடி தீ தடுப்பு மற்றும் மீட்பு நிலைய அலுவலா் ப. ரமேஷ் தலைமையில், தீயணைப்பு நிலைய வீரா்கள் பயிற்சிகளை வழங்கினா். பள்ளி தேசிய மாணவா் படையினா் பயிற்சி பெற்றனா். பள்ளி என்சிசி (கடற்படை) அலுவலா் எஸ். அன்பரசு வரவேற்றாா். என்சிசி (ராணுவம்) அலுவலா் எஸ். திவாகா் நன்றி கூறினாா்.