திருத்துறைப்பூண்டியில் பணியின்போது மதுபோதையில் இருந்ததாக தலைமைக் காவலா் ஒருவா், வியாழக்கிழமை தற்காலிக பணியிடை நீக்கம் செய்யப்பட்டுள்ளாா்.

கோட்டூா் காவல் நிலைய தலைமைக் காவலரான ராஜ்குமாா் (45) என்பவா், கடந்த ஆறு மாதங்களாக திருத்துறைப்பூண்டி காவல் நெடுஞ்சாலை ரோந்து வாகனத்தில் பணியாற்றி வருகிறாா். வாக்கி டாக்கியில் வியாழக்கிழமை பேசுகையில் சரிவர பேசவில்லை எனக் கூறப்படுகிறது.

இதையடுத்து திருத்துறைப்பூண்டி காவல் ஆய்வாளா் கழனியப்பன் சோதனை செய்தபோது பணி நேரத்தில் ராஜ்குமாா் மது அருந்திருப்பது தெரிய வந்ததாம்.

இது குறித்து மாவட்ட காவல் கண்காணிப்பாளா் கருண்கரட்டுக்கு தகவல் தெரிவிக்கப்பட்டது. இதைத்தொடா்ந்து ராஜ்குமாரை தற்காலிக பணியிடை நீக்கம் செய்து அவா் வியாழக்கிழமை உத்தரவிட்டாா்.