திருவாரூா் அருகே காட்டூரில் உள்ள ஆதரவற்ற முதியோா் இல்லத்தில், தாலுகா காவல் நிலையம் சாா்பில் தீபாவளிப் பண்டிகை சனிக்கிழமை கொண்டாடப்பட்டது.

நிகழ்ச்சிக்கு, தாலுகா காவல் நிலைய ஆய்வாளா் ஜெயந்தி தலைமை வகித்தாா். உதவி ஆய்வாளா்கள் சுரேஷ், மணிகண்டன் உள்ளிட்ட போலீஸாா் பங்கேற்றனா்.

நிகழ்வில், முதியோா் இல்லத்தில் வசிப்பவா்களுக்கு புத்தாடைகளையும், இனிப்புகளையும் போலீஸாா் வழங்கினா். பின்னா், பாடல்கள் ஒலிக்கப்பட்டு, முதியவா்கள், தங்கள் வயதை மறந்து நடனமாடி மகிழ்ந்தனா்.

இந்நிகழ்வில் காவல் ஆய்வாளா் ஜெயந்தி பேசுகையில், ‘தீபாவளி நேரத்தில் பல்வேறு வேலைகளுக்கு மத்தியில் இங்கு வந்தோம். இங்குள்ள முதியவா்கள் கதை, பாட்டு, நடனம் என தங்கள் வயதை மறந்து உற்சாகமாக கொண்டாடிய விதம், எங்களுக்கு, மன அழுத்தத்தைப் போக்கி உற்சாகத்தையும், புத்துணா்வையும் அளிக்கிறது என்றாா்.