புதுதில்லி

நெகிழி பயன்பாட்டுக்கு தடை விதிக்க வலியுறுத்தல்

DIN


தில்லியில் நெகிழி பயன்பாட்டைத் தடைசெய்ய ஆம் ஆத்மி அரசு நடவடிக்கை எடுக்க வேண்டும் என்று பாஜக மூத்த தலைவரும், சட்டப்பேரவை எதிர்க்கட்சித் தலைவருமான விஜேந்தர் குப்தா வலியுறுத்தியுள்ளார்.
இது தொடர்பாக அவர் சனிக்கிழமை வெளியிட்ட அறிக்கையில் கூறப்பட்டுள்ளதாவது: சுதந்திர தின உரையில்  நெகிழி பயன்பாட்டைக் குறைப்பது தொடர்பாக பிரதமர் நரேந்திர மோடி பேசியுள்ளார். 50 மைக்ரான் அளவுக்கு குறைவான மக்காத நெகிழிகளுக்குத் தடை விதித்து தேசிய பசுமைத் தீர்ப்பாயம் 2 ஆண்டுகளுக்கு முன்பு பிறப்பித்த உத்தரவை தில்லி அரசு சரியாக அமல்படுத்தவில்லை. தில்லியில் நெகிழி உற்பத்தி செய்யும் பல தொழிற்சாலைகள் இயங்கி வருகின்றன. இந்த தொழிற்சாலைகளுக்கு தில்லி அரசு தடை விதிக்க வேண்டும். நெகிழி பைகளுக்கு மாற்றாக சணல், துணிப் பைகளைப் பயன்படுத்துவதை தில்லி அரசு ஊக்குவிக்க வேண்டும். தடை செய்யப்பட்ட நெகிழி பைகள் தில்லியில் பெருமளவில் உபயோகிக்கப்படுகின்றன. தில்லி அரசு இதற்கெதிராக தகுந்த நடவடிக்கை எடுக்க வேண்டும் என்றார் அவர். 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

அவிநாசிலிங்கேஸ்வரர் கோயில் தேரோட்டம்!

ராஜஸ்தானில் வேன் மீது லாரி மோதியதில் 9 பேர் பலி

மஹாவீரர் ஜெயந்தி: ராணிப்பேட்டையில் பல்லக்கு ஊர்வலம்!

காவிமயமாக்கும் பாஜகவின் சதித்திட்டம்...: முதல்வர் ஸ்டாலின்

கேரளத்தில் பாரில் ஏற்பட்ட தகராறில் 5 பேருக்கு கத்திக்குத்து

SCROLL FOR NEXT