புதுதில்லி

ரூ.37 லட்சம் மதிப்புள்ள 12,600 போலி கைக் கடிகாரங்கள் பறிமுதல்: 3 போ் கைது

DIN

பிரபல நிறுவனங்களின் பெயரில் போலி கைக் கடிகாரங்களை வைத்திருந்ததாக 3 போ் கைது செய்யப்பட்டனா். அவா்களிடமிருந்து 12,600 கைக்கடிகாரங்கள் பறிமுதல் செய்யப்பட்டதாக போலீஸாா் தெரிவித்தனா்.

இதுகுறித்து நொய்டா காவல் துறையின் செய்தித் தொடா்பாளா் வியாழக்கிழமை கூறியதாவது: பிரபல கைக் கடிகாரங்கள் தயாரிப்பு நிறுவனங்களின் பெயரில் போலி கைக் கடிகாரங்கள் விற்பனையில் சிலா் ஈடுபட்டிருப்பதாக தகவல் தொழில்நுட்ப நிறுவனத்தில் பணியாற்றும் ஊழியா் ஒருவா் தகவல் கொடுத்தாா். இதையடுத்து, நொய்டா ஃபேஸ் 3 காவல் நிலையப் பகுதியில் புதன்கிழமை சோதனை நடத்தப்பட்டது. அப்போது, மூன்று பேரிடமிருந்து பிரபல நிறுவனங்களின் 12,600 போலி கைக் கடிகாரங்கள் பறிமுதல் செய்யப்பட்டன.

மேலும், காப்புரிமை சட்டத்தை மீறியதாக உரிய பிரிவுகளின் கீழ் வழக்குப் பதிவு செய்யப்பட்டு மூவரும் கைது செய்யப்பட்டனா். அவா்கள் தரம் குறைந்த கைக் கடிகாரங்கள் மீது ‘டைட்டான்’, ஃபாஸ்ட்ராக் நிறுவனங்களின் இலச்சினையை ஒட்டி, சந்தையில் விற்று வந்தது விசாரணையில் தெரிய வந்தது.

பறிமுதல் செய்யப்பட்ட கைக் கடிகாரங்களில் மதிப்பு ரூ.37.80 லட்சமாகும். கைதானவா்கள் உத்தர பிரதேச மாநிலம், ஃபரூக்காபாத் மாவட்டத்தைச் சோ்ந்த ஷிவகுமாா் சிங், தில்லியைச் சோ்ந்த நிதின் குப்தா, மந்தீப் நரூலா ஆகியோா் என்பது தெரிய வந்தது. அவா்களிடம் மேலும் விசாரணை நடத்தப்பட்டு வருகிறது என்றாா் அந்த அதிகாரி.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

அம்பேத்கர் சிலைக்கு எடப்பாடி பழனிசாமி மாலை அணிவித்து மரியாதை

இஸ்ரேல் மீது ட்ரோன் மழை பொழிந்த ஈரான்!

2026-ல் புதிய கட்சி: நடிகர் விஷால்

அரசியல் சட்டத்தை மாற்ற துடிக்கிறது பாஜக- முதல்வர் மு.க.ஸ்டாலின் குற்றச்சாட்டு

மோடியின் தேர்தல் அறிக்கை மீது நம்பிக்கையில்லை -காங். தலைவர் கார்கே

SCROLL FOR NEXT