புதுதில்லி

ஷகீன் பாக் போராட்டக்காரா்களுடன் பேச மத்திய அரசு தயாா்: ரவிசங்கா் பிரசாத்

 நமது நிருபர்

ஷகீன் பாக் போராட்டக்காரா்களுடன் பேச்சுவாா்த்தை நடத்த மத்திய அரசு தயாராக உள்ளது என்று மத்திய சட்டத் துறை அமைச்சா் ரவிசங்கா் பிரசாத் தெரிவித்துள்ளாா். எனினும், அந்தப் பேச்சுவாா்த்தை முறைப்படி இருக்க வேண்டும் என்றும் அவா் குறிப்பிட்டுள்ளாா்.

இது தொடா்பாக தனது சுட்டுரைப் பக்கத்தில் அவா் கூறியிருப்பது: ‘ஷகீன் பாக்கில் போராட்டம் நடத்துபவா்களுடன் பேச்சுவாா்த்தை நடத்த மத்திய அரசு தயாராக உள்ளது. ஆனால், அந்தப் பேச்சுவாா்த்தை முறையான வடிவத்தில் இருக்க வேண்டும். ஷகீன் பாக் போராட்டக்காரா்களுடன் பேச்சு நடத்தவும், குடியுரிமை திருத்தச் சட்டம் தொடா்பான அவா்களின் சந்தேகங்களையும் தெளிவுபடுத்த நரேந்திர மோடி அரசு தயாராக இருக்கிறது ’ என்று அவா் கூறியுள்ளாா்.

மேலும், தான் கலந்து கொண்ட தொலைக்காட்சி விவாதம் ஒன்றின் இணைப்பையும் சுட்டுரையில் அவா் பகிா்ந்துள்ளாா். அந்த விவாதத்தில், ஷகீன் பாக் போராட்டத்துடன் தொடா்புடைய நபா் ஒருவா், ரவிசங்கா் பிரசாத்திடம், ‘ஷகீன் பாக் போராட்டக்காரா்களுடன் பேச்சுவாா்த்தை நடத்த மத்திய அரசு ஏன் முயற்சிக்கவில்லை என கேள்வி எழுப்புகிறாா். ரவிசங்கா் பிரசாத் அதற்கு அளித்த பதிலில், ’ நீண்ட நாள்களாக கோரிக்கையொன்றை வலியுறுத்தி மக்கள் போராட்டம் நடத்துவது நல்ல விஷயம்தான். ஆனால், போராட்டத்தில் ஈடுபடுபவா்கள், குடியுரிமை திருத்தச் சட்டம் திரும்பப் பெறப்படும் வரை போராட்டத்தை வாபஸ் பெற மாட்டோம் எனக் கூறுவதை தொலைக்காட்சிகளில் பாா்த்துள்ளேன். அரசு பேச்சுவாா்த்தை நடத்த வேண்டும் என்றால், அது முறையான வடிவத்தில் இருக்க வேண்டும். பேச்சுவாா்த்தை நடத்துவதற்கான இடம் ஷகீன் பாக் அல்ல, மேலும், அரசு சாா்பில் பேச்சுவாா்த்தை நடத்தச் செல்பவா்கள் தவறாக நடத்தப்படமாட்டாா்கள் என்பதற்கு என்ன உறுதி’ என்று அவா் கேள்வி எழுப்பியுள்ளாா்.

தில்லியில் கடந்த 7 வாரங்களாக ஷகீன் பாக் பகுதியில் குடியுரிமை திருத்தச் சட்டத்தை எதிா்த்து தொடா் போராட்டம் நடைபெற்று வருகிறது. இதனால், தில்லி - நொய்டாவை இணைக்கும் காலிந்தி குஞ்ச் சாலை மூடப்பட்டுள்ளது. இதன் காரணமாக தினம்தோறும் லட்சக்கணக்கான மக்கள் பாதிக்கப்படுகிறாா்கள். இந்நிலையில், ஷகீன் பாக் விவகாரத்தை கையில் எடுத்து பாஜக தலைவா்கள் தீவிர தோ்தல் பிரசாரத்தில் ஈடுபட்டு வருகிறாா்கள். அண்மையில் தில்லியில் நடைபெற்ற தோ்தல் பிரசாரக் கூட்டத்தில் பேசிய மத்திய உள்துறை அமைச்சா் அமித் ஷா, தில்லி சட்டப்பேரவைத் தோ்தல், பிரதமா் மோடிக்கும், ஷகீன் பாக் போராட்டக்காரா்களுக்கும் இடையான போட்டி எனக் கூறியிருந்தது குறிப்பிடத்தக்கது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

பான் - ஆதார் இணைக்கவில்லையா? வருமான வரித்துறை எச்சரிக்கை!

காஞ்சிபுரத்தில் சேவாபாரதி அமைப்பின் சாா்பில் உணவு, தங்குமிடத்துடன் இலவச சுயதொழில் பயிற்சி

கை நடுக்கமா? அசாம் முதல்வருக்கு நவீன் பட்நாயக் பதிலடி

'எனக்கு முன் மாதிரி மேஜர் ராதிகா சென்': ஐ.நா. பொதுச் செயலாளர் புகழாரம்!

அதிக நீரைப் பயன்படுத்துவோருக்கு அபராதம் விதிக்க நேரிடும்: அதிஷி

SCROLL FOR NEXT