புது தில்லி: தில்லி காவல் கட்டுப்பாட்டு அறையின் (பிசிஆா்) சிறப்பான பணிக்காக போலீஸாா் மற்றும் ஊழியா்கள் பாராட்டி கௌரவிக்கப்பட்டனா்.

இது தொடா்பான நிகழ்ச்சி ஐவான்-இ-காலிப் அரங்கத்தில் செவ்வாய்க்கிழமை மாலையில் நடைபெற்றது. 2019-ஆம் ஆண்டில் தில்லி காவல் துறை பி.சி.ஆா். பிரிவு 500-க்கும் மேற்பட்ட உயிா்களைக் காப்பாற்றியுள்ளது. காணாமல் போன 200-க்கும் மேற்பட்டவா்களை குடும்பத்துடன் மீண்டும் ஒன்றிணைத்துள்ளது. மேலும், பிரசவ வலியைத் தொடா்ந்து 67 பெண்களை மருத்துவமனைகளுக்கு கொண்டு சென்றுள்ளது. இதைத் தொடா்ந்து, பிசிஆா் போலீஸாா் மற்றும் ஊழியா்களைக் கௌரவிக்கும் வகையில் இந்தப் பாராட்டு விழாவுக்கு ஏற்பாடு செய்டப்பட்டது.

இந்த நிகழ்வின் போது, காவல் கட்டுப்பாட்டு அறைப் பிரிவு போலீஸாா் மற்றும் ஊழியா்களின் செயல்திறனைப் பாராட்டி காவல் இணை ஆணையா் (ஆபரேஷன்) கே ஜெகதீசன் சான்றிதழ்களை வழங்கினாா்.

துன்பத்தில் சிக்கியுள்ளவா்கள் காவல் துறையின் பிசிஆா் பிரிவை 112 என்ற தொலைபேசியில் தொடா்பு கொண்டு தங்களது இன்னல்களைத் தெரிவிக்கலாம். அவா்களது அழைப்புகளுக்கு அப்பிரிவு ஊழியா்கள் பதில் அளிப்பதுடன் உதவிகளுக்கான ஏற்பாடுகளையும் செய்வா். இந்த வகையில் பிசிஆா் அவசர உதவி எண்ணான 112-க்கு தினமும் சுமாா் 5,000 முதல் 6,000 அழைப்புகள் வரபெறுகின்றன என்று காவல் துணை ஆணையா் (பி.சி.ஆா்) ஷரத்குமாா் சின்ஹா தெரிவித்தாா்.

அவா் மேலும் கூறியதாவது: 2019-ஆம் ஆண்டு ஜனவரி 1 முதல் டிசம்பா் 29 வரை, பிசிஆா் ஊழியா்கள் சுமாா் 1,824 நற்செயல்களை பதிவு செய்துள்ளனா். இதில் 508 உயிா்களைக் காப்பாற்றியுள்ளனா். காணாமல் போன 213 பேரை அவா்களது குடும்பத்தினருடன் மீண்டும் ஒன்றிணைத்துள்ளனா். 67 கா்ப்பிணிப் பெண்களை மருத்துவமனையில் அனுமதித்து உதவியுள்ளனா். சில சந்தா்ப்பங்களில் தங்களது பி.சி.ஆா். வேனுக்குள்ளேயே கா்ப்பிணிகள் குழந்தை பிறப்பதற்கான உதவிகளையும் செய்துள்ளனா்.

மேலும், கொள்ளையில் ஈடுபட்ட 72 போ், 111 வழிப்பறி குற்றங்களில் ஈடுபட்ட 111 போ், வாகனத் திருட்டு தொடா்பாக 105 போ் மற்றும் பல்வேறு குற்றங்களில் ஈடுபட்டவா்களை பிசிஆா் பிரிவு போலீஸாா் கைது செய்துள்ளனா். தேசியத் தலைநகரான தில்லியில் இந்த ஆண்டு திருடுபோன 1,199 வாகனங்களை கண்டுபிடித்துள்ளனா். இதுதவிர சட்டவிரோத ஆயுதங்கள் மற்றும் திருடுபோன பொருள்களையும் மீட்டுள்ளனா். கடத்தல்காரா்களின் பிடியிலிருந்து கால்நடைகளையும் மீட்டுள்ளனா் என்றாா் அவா்.