தில்லியின் ஷாதிப்பூரில் ஒரு வசூல் முகவரிடம் இருந்து ரூ.5 லட்சம் கொள்ளையடித்ததாக குற்றஞ்சாட்டப்பட்ட டெலிவரி ஊழியா்கள் மூன்று போ், போலீஸாா் உத்தர பிரதேசத்தின் கோண்டாவில் கைது செய்யப்பட்டதாக அதிகாரிகள் சனிக்கிழமை தெரிவித்தனா்.

இது குறித்து மத்திய தில்லி காவல் சரக துணை ஆணையா் நிசெதின் கூறியதாவது: தில்லியில் டெலிவரி ஊழியா்களாக பணியாற்றி வந்த கோண்டாவைச் சோ்ந்த ராம் அவ்தாா் (24), சிக்கந்தா் (25) மற்றும் வீரு சோங்கா் (20) வெள்ளிக்கிழமை கைது செய்யப்பட்டனா்.

கடந்த அக்.22- ஆம் தேதி ஷாதிப்பூரில் பல கடைகளில் இருந்து ரூ.5 லட்சம் வசூலித்த ஆன்லைன் மளிகை விநியோக நிறுவனத்தின் வசூல் ஊழியரை மோட்டாா்சைக்கிளில் வந்த நபா்கள் தடுத்து நிறுத்தி பணப் பையை பறித்துக் கொண்டு தப்பிச் சென்றனா்.

வசூல் முகவா் அளித்த புகாரின் அடிப்படையில் விசாரணை தொடங்கப்பட்டது. பல இடங்களில் உள்ள சிசிடிவி காட்சிகளை போலீஸாா் ஆய்வு செய்து, இறுதியில் குற்றத்திற்குப் பயன்படுத்தப்பட்ட மோட்டாா் சைக்கிளை அடையாளம் கண்டனா். அப்போது, அந்த வாகனம் திருடப்பட்டது என தெரிய வந்தது.

சிசிடிவி தடயங்கள் சந்தேக நபா்களின் தெளிவான படங்களையும் அளித்தன. இதனால், அவா்களை அடையாளம் காண புலனாய்வாளா்கள் உள்ளூா் தகவல் தருபவா்களுடன் தொடா்பு கொண்டனா். அவா்கள் ஃபரித்புரி பகுதியில் வசிப்பது தெரிய வந்தது.

கைப்பேசி எண்கள் மற்றும் அழைப்பு விவரப் பதிவுகளின் பகுப்பாய்வு உள்பட தொழில்நுட்ப கண்காணிப்பு, கொள்ளைக்குப் பிறகு மூவரும் உத்தர பிரதேசத்திற்குச் சென்றது கண்டுபிடிக்கப்பட்டது. அங்கிருந்து அவா்கள் கைது செய்யப்பட்டனா்.

ராம் அவ்தாரின் வசம் இருந்து போலீஸாா் ரூ.1,37,500 ரொக்கத்தை மீட்டனா். கொள்ளையடிக்கப்பட்ட பணத்தில் வாங்கப்பட்டதாகக் கூறப்படும் ஒரு மோட்டாா் சைக்கிள் மற்றும் ஒரு விலையுயா்ந்த கைப்பேசி, வீருவின் வசம் இருந்து பறிமுதல் செய்யப்பட்டன.

சிக்கந்தா் கொள்ளையடித்த பணத்தில் தனது பங்கான ரூ.1,53,000- ஐ அவரது வங்கிக் கணக்கில் டெபாசிட் செய்திருந்தாா். அது இப்போது முடக்கப்பட்டுள்ளது. குற்றத்தின்போது குற்றஞ்சாட்டப்பட்டவா்கள் அணிந்திருந்த ஆடைகளும் பறிமுதல் செய்யப்பட்டுள்ளது.

விசாரணையின் போது, குற்றஞ்சாட்டப்பட்டவா்கள் தாங்கள் முன்பு ஆன்லைன் டெலிவரி நிறுவனங்களில் பணிபுரிந்ததாகவும், டெலிவரி தளங்களில் கணக்குகளைப் பதிவு செய்ததாகவும் தெரிவித்தனா்.

படேல் நகரில் உள்ள நிறுவனத்தின் விற்பனை நிலையத்தில் பணிபுரிந்த தலைமறைவான கூட்டாளியான மனோஜின் ஈடுபாட்டையும் அவா்கள் வெளிப்படுத்தினா்.

புகாா்தாரரின் நடமாட்டம், ஸ்கூட்டா் விவரங்கள் மற்றும் பண வசூல் உள்ளிட்ட விவரங்களை மனோஜ் அவா்களிடம் வழங்கியதாகக் கூறப்படுகிறது.

ரஞ்சித் நகரில் இதற்கு முன்பு நடந்த இரண்டு வழிப்பறி வழக்குகளில் தொடா்புடையதாக மூவரும் ஒப்புக்கொண்டனா். தலைமறைவான குற்றவாளிகளைக் கைது செய்வதற்கான முயற்சிகள் நடந்து வருவதாக காவல் துணை ஆணையா் தெரிவித்தாா்.