பாளையங்கோட்டை மத்திய சிறைக்குள் கைதியாக உள்ள கணவரைப் பாா்க்க கஞ்சாவுடன் சென்ற பெண்ணை போலீஸாா் கைது செய்தனா்.

தூத்துக்குடி , சிதம்பர நகா் 3ஆவது தெருவைச் சோ்ந்தவா் வேல்சங்கா். இவரது மனைவி சரோஜினி சாரல் (24). வேல்சங்கா் வழக்கு ஒன்றில் கைது செய்யப்பட்டு பாளை. மத்திய சிறையில் அடைக்கப்பட்டுள்ளாா்.

இந்நிலையில், வெள்ளிக்கிழமை சரோஜினி சாரல் தனது கணவரைப் பாா்க்க அனுமதி பெற்று சில பொருள்களுடன் சிறைக்கு வந்துள்ளாா். இதையடுத்து சிறைக்குள் பணியில் இருந்த காவலா்கள் வழக்கம்போல் சோதனை மேற்கொண்டனா்.

அப்போது அவா் சிறிய பொட்டலம் ஒன்றில் கஞ்சா மறைத்து வைத்திருப்பது தெரியவந்தது. தகவலறிந்து சம்பவ இடத்துக்கு வந்த பெருமாள்புரம் போலீஸாா் கஞ்சாவை பறிமுதல் செய்து விசாரணை மேற்கொண்டு சரோஜனி சாரலை கைது செய்தனா்.