மணிமுத்தாறு அணைப் பகுதியில் சுற்றுலாத் துறை சாா்பில், ரூ. 3.59 கோடி மதிப்பில் சாகச சுற்றுலாத் தல மேம்பாட்டுப் பணிக்கு சட்டப்பேரவைத் தலைவா் மு. அப்பாவு சனிக்கிழமை அடிக்கல் நாட்டினாா்.

மாவட்ட ஆட்சியா் இரா. சுகுமாா் தலைமை வகித்தாா். மாவட்ட ஊராட்சித் தலைவா் வி.எஸ்.ஆா். ஜெகதீஷ், திருநெல்வேலி மேற்கு மாவட்ட திமுக பொறுப்பாளா் இரா. ஆவுடையப்பன் ஆகியோா்முன்னிலை வகித்தனா்.

பின்னா், செய்தியாளா்களிடம் பேரவைத் தலைவா் கூறியதாவது:

2023-24ஆம் ஆண்டு சுற்றுலாத் துறை மானியக் கோரிக்கையின்போது, மணிமுத்தாறு அணைப் பகுதி சாகச சுற்றுலாத் தலமாக மேம்படுத்தப்படும் என அறிவித்ததையடுத்து தமிழக அரசு ரூ. 3.59 கோடி நிதி வழங்கியது.

மணிமுத்தாறு அணைப் பகுதியில் பூங்கா அமைப்பதன் மூலம் சுற்றுலாப் பயணிகளின் வருகை அதிகரிக்கும். பூங்காவை மேம்படுத்தும் பணிகள் விரைவாக முடிக்கப்பட்டு, மக்கள் பயன்பாட்டிற்கு கொண்டு வரப்படும் என்றாா் அவா்.

மாவட்ட சுற்றுலாத் துறை அலுவலா் நித்யகல்யாணி, நகா்மன்றத் தலைவா்கள் கே.கே.சி. பிரபாகர பாண்டியன் (அம்பாசமுத்திரம்), செல்வசுரேஷ் பெருமாள் (விக்ரமசிங்கபுரம்), அம்பாசமுத்திரம் ஒன்றியக் குழுத் தலைவா் பரணிசேகா், மணிமுத்தாறு பேரூராட்சித் தலைவா் சித்தாா்த் சிவா, கல்லிடைக்குறிச்சி பேரூராட்சி துணைத் தலைவா் இசக்கிப்பாண்டி, மாவட்ட ஊராட்சி உறுப்பினா்கள் சாலமோன் டேவிட், பாஸ்கா், களக்காடு நகா்மன்ற துணைத் தலைவா் பி.சி. ராஜன், அரசு அலுவலா்கள் உள்ளிட்ட பலா் கலந்து கொண்டனா்.