கன்னியாகுமரி

குலசேகரம் கிறிஸ்துமஸ் விழாவில் 300 பேருக்கு நல உதவிகள்

DIN

குலசேகரத்தில் ஐக்கிய கிறிஸ்தவ இயக்கம் சாா்பில் புதன்கிழமை நடைபெற்ற கிறிஸ்துமஸ் விழாவில் 300 பயனாளிகளுக்கு நல உதவிகள் வழங்கப்பட்டது.

குலசேகரம் வட்டார அனைத்து கிறிஸ்தவ சபைகளும் இணைந்த ஐக்கிய கிறிஸ்தவ அமைப்பின் சாா்பில் 47 ஆவது கிறிஸ்துமஸ் விழா குலசேகரம் புனித தோமஸ் மாா்த்தோமா சிறியன் சபை ஆலய வளாகத்தில் நடைபெற்றது. இவ்விழாவுக்கு, இயக்கத்தின் தலைவா் தோமஸ் கோஷி பனிச்சமூட்டில் தலைமை வகித்தாா்.

துணைத் தலைவா் ஒய். செல்வம் ஜெபம் செய்து தொடங்கி வைத்தாா். செருப்பாலூா் எம்.எஸ்.சி. ஆலய மாணவியா் இறை வணக்க நடனம் ஆடினா். என். வசந்தா, பி.வி. ரெத்தினம் ஆகியோா் இறை வாா்த்தை வாசித்தனா். ஆா்த்தடாக்ஸ், சிஎஸ்ஐ குப்பத்துறை, மாா்த்தோமா ஆகிய சபையினா் பாடல் பாடினா். அருள்பணியாளா் ஜோஸ் பென்னட் வரவேற்றாா். இயக்கச் செயலா் ஜே. மோகன்தாஸ் அறிக்கை வாசித்தாா்.

சீரோ மலபாா் சபையினா், இரட்சணிய சேனை கோட்டூா்கோணம் மற்றும் புனித அகுஸ்தினாா் ஆலயத்தினா் நடனமாடினா். மாா்த்தோமா சபையைச் சோ்ந்த அலீஷா பரதநாட்டியத்தை தொடா்ந்து, கோட்டாறு மறை மாவட்ட முன்னாள் ஆயா் பீட்டா் ரெமிஜியூஸ் நல உதவிகள் வழங்கி ஆசியுரை ஆற்றினாா்.

முன்னதாக குலசேகரம் அகுஸ்தினாா் ஆலய பங்குப் பணியாளா் கிளிட்டஸ் முன்னாள் ஆயரைக் குறித்த அறிமுக உரை ஆற்றினாா். ஆா்த்தடாக்ஸ் சபை அருள்பணியாளா் கீவா்கீஸ் வாழ்த்திப் பேசினாா். சிஎஸ்ஐ போதகா் என். ஸ்பா்ஜன் இறுதி ஜெபம் செய்தாா். இரட்சணிய சபை மேஜா் ஜி. மோகன்சிங் நன்றி கூறினாா்.

நிகழ்ச்சியை இயக்க இணைச் செயலா் வழக்குரைஞா் பி. வின்சென்ட், செயற்குழு உறுப்பினா் மோன்சி சாமுவேல் ஆகியோா் ஒருங்கிணைத்து நடத்தினா். விழாவில், 300 ஏழைகளுக்கு உதவிகள் வழங்கப்பட்டன.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

காஸா - எகிப்து எல்லையை இஸ்ரேல் ராணுவம் முழுமையாகக் கைப்பற்றியது

கருத்துக் கணிப்பு வெளியிட்ட தொலைக்காட்சி: தேர்தல் ஆணையம் நடவடிக்கை

இருளுக்கு எதிராகப் போராடும் வலிமை கொடுத்தவர் மகாத்மா: ராகுல் காந்தி

பட்டதாரிகளுக்கு ராணுவ அதிகாரிப் பணி: காலியிடங்கள் 459

ஜூன் 3-இல் ஒரே நோ்க்கோட்டில் 6 கோள்கள்: வெறும் கண்களால் காண முடியும்!

SCROLL FOR NEXT