பொறியாளா் ஹம்ப்ரே அலெக்சாண்டா் மிஞ்சின் 157 ஆவது பிறந்த தினத்தையொட்டி, பேச்சிப்பாறை அணையிலுள்ள அவரது நினைவிடத்தில் புதன்கிழமை மரியாதை செலுத்தப்பட்டது.

பேச்சிப்பாறை அணைக் கட்டும் பணியில் இங்கிலாந்து நாட்டைச் சோ்ந்த பொறியாளா் ஹம்ப்ரே அலெக்சாண்டா் மிஞ்சின் முதன்மைப் பொறியாளராக இருந்து பணிகள் செய்தாா்.

அவரது, பிறந்த நாளையொட்டி, அவரது நினைவிடத்தில் நடைபெற்ற நிகழ்ச்சியில், விவசாயிகள் சாா்பில் பாசனத் துறைத் தலைவா் வின்ஸ் ஆன்றோ, மாவட்ட குழு உறுப்பினா்கள் முருகேச பிள்ளை, தாணுபிள்ளை, உற்பத்திக்குழு உறுப்பினா் ஹென்றி, நீரினை பயன்படுத்துவோா் சங்கத் தலைவா்கள் உதயகுமாா், ஜேசுதாஸ், ஜெனில் சிங், விவசாயிகள் ஹோமா்லால், கருணாநிதி, லாரன்ஸ் உள்ளிட்டோா் மாலை அணிவித்து மரியாதை செலுத்தினா்.

அதிமுக சாா்பில் கன்னியாகுமரி சட்டப் பேரவைத் தொகுதி உறுப்பினா் என். தளவாய் சுந்தரம், மேற்கு மாவட்டச் செயலா் ஆா். ஜெய சுதா்சன், மேற்கு மாவட்ட எம்.ஜி.ஆா். மன்ற செயலாளா் சக்கீா் உசேன், திருவட்டாறு கிழக்கு ஒன்றிய செயலா் நிமால், திற்பரப்பு பேரூா் செயலா் விஜு குமாா் உள்ளிட்டோா் பங்கேற்றனா். முன்னதாக நீா்வளத் துறை சாா்பில் மரியாதை செலுத்தப்பட்டது.