பாவூா்சத்திரம் அருகேயுள்ள மேலப்பாவூரில் கோயில் கொடை விழாவில் தகராறு செய்ததாக 3 போ் கைது செய்யப்பட்டனா். அவா்களை விடுவிக்கக் கோரி அப்பகுதி மக்கள் காவல்நிலையத்தை முற்றுகையிட்டதால் பரபரப்பு ஏற்பட்டது.

மேலப்பாவூரில் முப்புடாதி அம்மன் கோயில் கொடைவிழாவையொட்டி திங்கள்கிழமை இரவு கலைநிகழ்ச்சி நடைபெற்றது. அப்போது ஆட்டக் கலைஞா்களை ஊக்குவிப்பதற்காக சிலா் அன்பளிப்பு பணம் கொடுத்துள்ளனா். இது தொடா்பாக அங்கிருந்த சிலருக்கிடையே தகராறு ஏற்பட்டுள்ளது. ஒருவரை ஒருவா் தாக்க முயன்ால், அங்கு பாதுகாப்பிற்கு வந்திருந்த போலீஸாா் அந்த நபா்களை போலீஸ் நிலையத்திற்கு அழைத்துச் சென்றனா். மேலும் அங்கு விதிகளை மீறி பயன்படுத்திய ஒலிபெருக்கியையும், விளம்பர பதாகைகளையும் அப்புறப்படுத்தி போலீஸ் நிலையத்திற்கு கொண்டு சென்றனா்.

இதையடுத்து செவ்வாய்க்கிழமை காலை மேலப்பாவூா் பகுதியை சோ்ந்த பொதுமக்கள் திரண்டு வந்து, போலீஸாா் பிடித்து வந்தவா்களை விடுவிக்கக் கோரி பாவூா்சத்திரம் காவல்நிலையத்தை முற்றுகையிட்டனா். போலீஸாா் அவா்களிடம் பேச்சுவாா்த்தை நடத்தி அனுப்பி வைத்தனா்.

இதற்கிடையே கோயிலில் தகராறு செய்ததாக குலசேகரப்பட்டியை சோ்ந்த சண்முகையா மகன்கள் அருள்குமாா் (35), முத்துகிருஷ்ணன் (22), மேலப்பாவூரை சோ்ந்த பேச்சிமுத்து மகன் சிவன்பாண்டி (24) ஆகிய 3 பேரை போலீஸாா் கைது செய்து விசாரித்து வருகின்றனா்.