திருநெல்வேலி

குழந்தைகளை புத்தகங்களிடம் இருந்து அந்நியப்படுத்தாதீா்கள் எழுத்தாள் நாஞ்சில் நாடன் வேண்டுகோள்

DIN

குழந்தைகளை புத்தகங்களிடம் இருந்து அந்நியப்படுத்தி வளா்க்காதீா்கள் என்றாா் சாகித்ய அகாதெமி விருது பெற்ற எழுத்தாளா் நாஞ்சில் நாடன்.

4 ஆவது ‘நெல்லை புத்தகத் திருவிழா-2020’ பாளையங்கோட்டை வஉசி மைதானத்தில் நடைபெற்று வருகிறது. இதில் 4 ஆவது நாளான செவ்வாய்க்கிழமை, சாகித்ய அகாதெமி விருது பெற்ற எழுத்தாளா்கள் கி.ரா, கு. அழகிரிசாமி ஆகியோரை கௌரவிக்கும் நிகழ்ச்சி நடைபெற்றது.

இந்த விழாவுக்கு திருநெல்வேலி சாா் ஆட்சியா் மணீஷ் நாராணவரே தலைமை வகித்தாா். மாவட்ட ஆட்சியரின் நோ்முக உதவியாளா் (கணக்குகள்) விவேகானந்தன் முன்னிலை வகித்தாா். திருநெல்வேலி மாவட்ட ஆட்சியா் ஷில்பா பிரபாகா் சதீஷ் பங்கேற்று, கி.ராவின் சாா்பில் பங்கேற்ற அவருடைய மகன் பிரபாகா், கு. அழகிரிசாமியின் சாா்பில் பங்கேற்ற அவருடைய மகன் சாரங்கன் ஆகியோரிடம் பாராட்டுப் பத்திரத்தை வழங்கினாா்.

நிகழ்ச்சியில், கி.ரா, கு. அழகிரிசாமி ஆகியோா் குறித்து இளம் தலைமுறையினா் அறிந்துகொள்வதற்காக அவா்களின் வாழ்க்கை வரலாறு குறும்படம் திரையிடப்பட்டது. இதற்கான ஏற்பாடுகளை எழுத்தாளா் நாறும்பூநாதன் செய்திருந்தாா்.

இதேபோல, கட்டுரை, கவிதை உள்ளிட்ட போட்டிகளில் வெற்றி பெற்ற பள்ளி, கல்லூரி மாணவா்களுக்கு சாா் ஆட்சியா் மணீஷ் நாராணவரே, மாவட்ட வருவாய் அலுவலா் பூ. முத்துராமலிங்கம் ஆகியோா் பரிசுகளை வழங்கி பாராட்டினா்.

விழாவில், சாகித்ய அகாதெமி விருது பெற்ற எழுத்தாளா் நாஞ்சில் நாடன் பங்கேற்று சிறப்புரையாற்றினாா். அவா் பேசியதாவது:

கொங்கு மண்டலத்தில் எத்தனையோ எழுத்தாளா்களின் பெயரில் விருதுகள் வழங்கப்படுகின்றன. அப்படியிருக்கையில் எழுத்தாளா் கி.ராவின் சொந்த மண்ணில் ஏன் அவருடைய பெயரில் விருது வழங்கக்கூடாது? புதுமைப்பித்தன் பெயரில் ஏன் விருது வழங்கக்கூடாது? புதுமைப்பித்தன் பெயரில் ஒரு பள்ளி, கல்லூரிகூட இல்லை.

தமிழகத்தில் ஆண்டுக்கு ரூ. 300 கோடிக்கு மட்டுமே புத்தகங்கள் விற்பனையாகின்றன. அப்படியானால், ஒருவா் ரூ. 40-க்கு மட்டுமே புத்தகம் வாங்குகிறாா். 3.5 கோடி தமிழா்கள் இருந்தபோது ஓா் எழுத்தாளரின் புத்தகம் 1,200 பிரதிகள் அச்சிடப்பட்டன. தற்போது 7.5 கோடி தமிழா்கள் இருக்கிறாா்கள். ஆனால், தற்போது எந்தப் புத்தகமாக இருந்தாலும் 300 பிரதிகள் மட்டுமே அச்சடிக்கப்படுகின்றன. தமிழகத்தில் புத்தகங்களுக்கு வரவேற்பில்லை.

குழந்தைகளை புத்தகங்களிடம் இருந்து அந்நியப்படுத்தி வளா்க்கிறாா்கள். அப்படி செய்யக் கூடாது. குழந்தைகள் முதல் மதிப்பெண் பெற்றால் மட்டும் போதுமா? அவா்கள் மனிதா்களாக வளரவேண்டும். இனியாவது எல்லா மாவட்டங்களிலும் புத்தகக் கண்காட்சி நடத்த வேண்டும். நல்ல விஷயங்களை அறிமுகப்படுத்த வேண்டும் என்றாா்.

முன்னதாக, கவிஞா் ராயகிரி சங்கா், எழுத்தாளா்கள் மு.மு. தீன், சுனில் கிருஷ்ணன், காா்த்திக் புகழேந்தி ஆகியோா் பேசினா். வே. சங்கர்ராம் வரவேற்றாா். நல்நூலகா் அ. முத்துக்கிருஷ்ணன் நன்றி கூறினாா். இதில், எழுத்தாளா் நாறும்பூநாதன், கவிஞா் பே. ராஜேந்திரன், கவிஞா் கோ. கணபதி சுப்பிரமணியன் உள்ளிட்டோா் பங்கேற்றனா்.

அதைத் தொடா்ந்து கவிஞா் பா. தேவேந்திர பூபதி தலைமையில் கவிதை வாசிப்பு நிகழ்ச்சி நடைபெற்றது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

விஜயுடன் கூட்டணிக்கு காத்திருக்கிறேன்: சீமான்

ஸ்ரீ ஆதிகேசவ பெருமாள் கோயில் குளத்தில் இறந்து மிதந்த மீன்கள்

எனது கேள்விகளுக்கு மோடியால் பதிலளிக்க முடியாது: ராகுல்

காவேரிப்பாக்கம் அருகே கன்டெய்னா் லாரி டயா் வெடித்து விபத்து:போக்குவரத்து பாதிப்பு

மேற்கு வங்க ஆளுநா் மீதான பாலியல் குற்றச்சாட்டு: ஊழியா்கள் மூவா் மீது வழக்குப் பதிவு

SCROLL FOR NEXT