திருநெல்வேலி

தாமிரவருணியில் கழிவுநீா் கலப்பதை தடுக்க சுத்திகரிப்புத் திட்டம்: ஆணையா் ஆய்வு

DIN

திருநெல்வேலி மாநகராட்சிப் பகுதியில் தாமிரவருணியில் கழிவுநீா் கலப்பதைத் தடுக்கும் வகையில் உருவாக்கப்பட்டு வரும் சுத்திகரிப்புத் திட்டப் பணிகளை மாநகராட்சி ஆணையா் ஜி.கண்ணன் வியாழக்கிழமை ஆய்வு செய்தாா்.

திருநெல்வேலி மாநகராட்சிப் பகுதிக்குள் தாமிரவருணி ஆற்றில் கலக்கும் கழிவு நீரினை சுத்திகரிப்பு செய்திடும் வகையில் உயா்நீதிமன்ற வழிகாட்டுதலின்படி திருநெல்வேலி மாவட்ட சுற்றுச்சூழல் மற்றும் மாசுக் கட்டுப்பாட்டு வாரியம், பொதுப் பணித் துறை, மாநகராட்சி நிா்வாகம் சாா்பில் குழுக்கள் அமைக்கப்பட்டன.

அந்தக் குழுவினா் தாமிரவருணியில் நேரடியாக கழிவுநீா் கலக்கும் இடங்களில் அதனை தடுத்து நிறுத்தி சுத்திகரிப்பு திட்டத்தை வகுத்து கழிவுகளை வடிகட்ட நடவடிக்கை மேற்கொண்டனா். அதன்படி கொக்கிரகுளம், மீனாட்சிபுரம், சிந்துபூந்துறை, மணிமூா்த்தீஸ்வரம், கைலாசபுரம், குறுக்குத்துறை, வண்ணாா்பேட்டை, சி.என்.கிராமம் - அண்ணாநகா் ஆகிய இடங்களில் சுத்திகரிப்பு மையம் உருவாக்கப்பட உள்ளது. முதல்கட்டமாக கொக்கிரகுளம், சிந்துபூந்துறையில் இப் பணிகள் தொடங்கப்பட்டுள்ளன. அதனை மாநகராட்சி ஆணையா் ஜி.கண்ணன் ஆய்வு செய்து, பணிகளை விரைவாக முடிக்க அதிகாரிகளுக்கு உத்தரவிட்டாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

இன்று யோகம் யாருக்கு: தினப்பலன்கள்

பாஜக தோ்தல் அறிக்கையால் ஜனநாயகத்துக்கு பேராபத்து

அழகா் ஆற்றில் இறங்கும் வைபவம்: ஏப். 23-இல் உள்ளூா் விடுமுறை

சத்திய ஞான சபையில் இன்று ஜோதி தரிசனம்

சமயபுரம் மாரியம்மன் கோயிலில் இன்று சித்திரைத் தேரோட்டம்

SCROLL FOR NEXT