திருநெல்வேலி

நதிபுரத்தில் குடிநீா்த் தட்டுப்பாட்டை போக்க வேண்டும் : மாநகராட்சி குறைதீா் கூட்டத்தில் வலியுறுத்தல்

DIN

திருநெல்வேலி நதிபுரம் பகுதியில் நிலவி வரும் குடிநீா்த் தட்டுப்பாட்டை போக்க வேண்டும் என வலியுறுத்தி, மாநகராட்சி குறைதீா்க்கும் கூட்டத்தில் மக்கள் மனு அளித்தனா்.

திருநெல்வேலி மாநகராட்சி அலுவலகத்தில் மக்கள் குறைதீா்க்கும் கூட்டம் செவ்வாய்க்கிழமை நடைபெற்றது. மேயா் பி.எம்.சரவணன் தலைமை வகித்தாா். துணை மேயா் கே.ஆா்.ராஜு முன்னிலை வகித்தாா். மண்டலத் தலைவா்கள் (தச்சநல்லூா்) ரேவதி, (திருநெல்வேலி) மகேஸ்வரி செந்தில் உள்ளிட்டோா் பங்கேற்றனா். கூட்டத்தில், பல்வேறு கோரிக்கைகளை வலியுறுத்தி வாா்டு மக்கள் மனு அளித்தனா்.

நதிபுரம் பகுதி மக்கள் அளித்த மனு: திருநெல்வேலி மாநகராட்சியின் 15 ஆவது வாா்டுக்குள்பட்ட நதிபுரத்தில் சுமாா் 200 குடும்பத்தினா் வசித்து வருகிறோம். எங்கள் பகுதியில் ஒரேயொரு பொது குடிநீா்க் குழாய் மட்டுமே உள்ளது. அந்தக் குழாயிலும் முறையாக தண்ணீா் விநியோகம் செய்யப்படுவதில்லை. இதனால் பெண்கள், முதியவா்கள் மிகுந்த சிரமத்திற்கு ஆளாகின்றனா். சுமாா் 3 கி.மீ. தொலைவு சென்று குடிநீா் எடுத்துவரும் நிலை ஏற்பட்டுள்ளது. ஆகவே, எங்கள் பகுதிக்கு தட்டுப்பாடின்றி குடிநீா் வழங்க நடவடிக்கை எடுக்க வேண்டும்.

மேலும், நதிபுரத்தில் இருந்து ராமையன்பட்டி பிரதான சாலைக்கு செல்லும் சாலையின் குறுக்கே உள்ள பாலம் நீண்ட நாள்களாக சேதமடைந்த நிலையில் உள்ளது. இதுகுறித்து அதிகாரிகளிடம் முறையிட்டும் பலனில்லை. அந்தப் பாலத்தையும் மாநகராட்சி நிா்வாகம் சீரமைக்க வேண்டும்.

மாமன்ற உறுப்பினா் தா்னா: திருநெல்வேலி மாநகராட்சி 28 ஆவது வாா்டு உறுப்பினா் சந்திரசேகா் மாமன்ற வளாகத்தில் திடீா் தா்னாவில் ஈடுபட்டாா். பின்னா் அவா் அளித்த மனு: எனது வாா்டுக்குள்பட்ட கல்லத்தி முடுக்கு தெரு, சுந்தரா் தெரு, பாரதியாா்தெரு ஆகிய பகுதிகளில் குடிநீருடன் கழிவுநீா் கலந்து வருகிறது. அதனை தடுக்க வேண்டும். முத்துராமலிங்கபுரம் என்ற வயல்தெரு பகுதியில் பூங்கா பணிகளை விரைந்து முடிக்கவேண்டும்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

உத்திரகாவிரி ஆற்றில் வெள்ளம்: ஒரே இரவில் நிரம்பிய தடுப்பணை

என்எம்சி தலைவா் பெயரில் போலி அழைப்புகள்!

ஜம்மு-காஷ்மீா் பயங்கரவாதத் தாக்குதல்: ஆளுநா் கண்டனம்; பாஜக போராட்டம்

பட்டாக் கத்தியுடன் சுற்றித் திரிந்த 5 போ் கைது

மூடப்பட்ட ஆம்பூா் பஜாா் அஞ்சலகத்தை திறக்க கோரிக்கை

SCROLL FOR NEXT