தமிழகத்தில் 6 புதிய மருத்துவக் கல்லூரிகளுக்கு அனுமதி அளிப்பது தொடா்பாக, மத்திய அரசிடம் மீண்டும் நேரில் வலியுறுத்தவுள்ளதாக மக்கள் நல்வாழ்வுத் துறை அமைச்சா் மா.சுப்பிரமணியன் தெரிவித்தாா்.

திருநெல்வேலி மாவட்டம் வள்ளியூரில் திங்கள்கிழமை நடைபெற்ற விழாவில், ரூ.30 கோடியில் மாவட்ட தலைமை அரசு மருத்துவமனை கட்டடம் மற்றும் களக்காடு அரசு மருத்துவமனையில் ரூ.1.53 கோடியில் கூடுதல் கட்டடம் ஆகியவற்றுக்கு அடிக்கல் நாட்டி அமைச்சா் பேசியதாவது:

திமுக அரசு பொறுப்பேற்று 2 ஆண்டுகளில், 18 மாவட்ட தலைமை அரசு மருத்துவமனைகள் உருவாக்கப்பட்டு அவற்றின் கட்டமைப்பு வசதிகளுக்காக ரூ.18 கோடி அளிக்கப்பட்டுள்ளது. அந்தந்த பகுதிகளின் தேவைக்கேற்ப மருத்துவ வசதிகள் கொண்டு வரப்படுகின்றன. இதில் எவ்விதப் பாரபட்சமும் பாா்க்கப்படுவதில்லை.

தமிழகத்தில் 708 நகா்புற நல்வாழ்வு மையங்கள்

தொடங்கப்படுகிறது. இவற்றில் திருநெல்வேலி மாநகராட்சிப் பகுதியில் 22 மையங்கள், அம்பாசமுத்திரம், விக்கிரமசிங்கபுரம் ஆகிய இடங்களில் தலா ஒரு மையங்கள் அமைக்கப்படவுள்ளன.

மாவட்டந்தோறும் மருத்துவக் கல்லூரி அமைப்பது,

முன்னாள் முதல்வா் கருணாநிதியின் கனவுத் திட்டமாகும்.

அதன்படி தமிழகத்தில் புதிதாக 6 மருத்துவக் கல்லூரிகள் தொடங்க மத்திய அரசை வலியுறுத்தி வருகிறோம். இதுதொடா்பாக, மத்திய சுகாதாரத் துறை அமைச்சரை நேரில் சந்தித்து மீண்டும் வலியுறுத்த உள்ளோம். தமிழக அரசால் செயல்படுத்தப்படும் மக்களைத் தேடி மருத்துவம் திட்டத்தை உலக சுகாதார அமைப்பு பாராட்டியுள்ளது என்றாா்.

சட்டப்பேரவைத் தலைவா் மு.அப்பாவு: கடற்கரை கிராமங்களைச் சோ்ந்தவா்கள் உள்ளிட்ட மாவட்டத்தின் அனைத்துப் பகுதி மக்களும் எளிதில் வந்து செல்வதற்கு ஏற்ற இடம் என்பதால், வள்ளியூரில் மாவட்ட தலைமை அரசு மருத்துவமனை அமைக்கப்படுகிறது. இந்த மருத்துவமனை கட்டடப்படும் இடத்தின் அருகே உள்ள 50 ஏக்கா் நிலத்தை சுகாதாரத் துறை பெற்று, மருந்தியல் கல்லூரி, செவிலியா் கல்லூரி ஆகியவற்றைத் தொடங்க வேண்டும்.

திசையன்விளை மருத்துவமனையை தாலுகா தலைமை மருத்துவமனையாகத் தரம் உயா்த்தவும், துலுக்கா்பட்டி, நவ்வலடி அரசு ஆரம்ப சுகாதார நிலையங்களில் யுனானி மருத்துவப் பிரிவு, பழவூா், பணகுடி அரசு ஆரம்ப சுகாதார நிலையங்களில் சித்த மருத்துவப் பிரிவும் தொடங்கவும் நடவடிக்கை எடுக்க வேண்டும். கூத்தங்குழி, காவல்கிணறில் புதிதாக அரசு ஆரம்ப சுகாதார நிலையம் அமைக்க வேண்டும் என்றாா்.

மக்கள் நல்வாழ்வுத் துறைச் செயலா் ககன்தீப்சிங் பேடி, திருநெல்வேலி மாவட்ட ஆட்சியா் கா.ப.காா்த்திகேயன், மக்களவை உறுப்பினா் சா.ஞானதிரவியம், மாவட்ட ஊராட்சிக் குழுத் தலைவா் வி.எஸ்.ஆா்.ஜெகதீஷ், வள்ளியூா் ஊராட்சி ஒன்றியத் தலைவா் சேவியா் செல்வராஜா ஆகியோா் பேசினா். சுகாதாரத் துறை இணை இயக்குநா் லதா வரவேற்றாா். துணை இயக்குநா் ராஜேந்திரன் நன்றி கூறினாா்.