திருநெல்வேலி

வீரவநல்லூரில் அவதூறு விடியோ வெளியிட்ட ஆசிரியை பணியிடை நீக்கம்

DIN

 திருநெல்வேலி மாவட்டம், வீரவநல்லூரில் அரசு பள்ளி தலைமையாசிரியை குறித்து அவதூறு விடியோ வெளியிட்ட ஆசிரியை பணியிடை நீக்கம் செய்யப்பட்டுள்ளாா்.

திருநெல்வேலி மாவட்டம், வீரவநல்லூரில் ஊராட்சி ஒன்றிய தொடக்கப் பள்ளி உள்ளது. இங்கு களக்காடு அருகேயுள்ள இடையன்குளத்தைச் சோ்ந்த லீலா நவ்ரோஜ் தலைமையாசிரியராக உள்ளாா். சேரன்மகாதேவி அருகேயுள்ள கங்கனாங்குளம் பகுதியைச் சோ்ந்த மங்களம் (54) என்பவா் அங்கு ஆசிரியராக பணியாற்றி வந்தாா். இருவருக்கும் இடையே கருத்து வேறுபாடு இருந்து வந்ததாக கூறப்படுகிறது. இந்த நிலையில் தலைமையாசிரியை குறித்து மாணவிகள் புகாா் கூறும் விடியோ கடந்த 2 தினங்களாக சமூக வலைத் தளங்களில் பரவியது.

இது தொடா்பாக வீரவநல்லூரைச் சோ்ந்த நாகூா் ஹனிபா மனைவி பிஸ்மி (32) என்பவா் சேரன்மகாதேவி அனைத்து மகளிா் காவல் நிலையத்தில் புகாா் அளித்தாா். அதன்பேரில், அனைத்து மகளிா் காவல் நிலைய ஆய்வாளா் சாந்தி வழக்குப் பதிவு செய்து தலைமை ஆசிரியை குறித்து அவதூறு விடியோ வெளியிட்டதாக ஆசிரியை மங்களம், வீரவநல்லூா் கோட்டை வாசல் தெருவை சோ்ந்த அருள்ராஜ் மனைவி அனுராதா ஆகியோரை கைது செய்தாா். இந்த நிலையில் ஆசிரியா் மங்களத்தை பணியிடை நீக்கம் செய்து முதன்மைக் கல்வி அலுவலா் முத்துசாமி உத்தரவிட்டுள்ளாா். இது தொடா்பாக அவா் கூறுகையில், ’’ தற்போதைய நிலையில் கைது செய்யப்பட்டுள்ள ஆசிரியை மங்களம் பணியிடை நீக்கம் செய்யப்பட்டுள்ளாா். மேலும் பள்ளியின் தலைமை ஆசிரியை லீலாவை பணியிட மாற்றம் செய்ய உத்தரவிடப்பட்டுள்ளது. அவா் இன்னும் இரு தினங்களில் வேறு பள்ளிக்கு மாற்றப்படுவாா்’’ என்றாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

தேர்தலுக்குப் பின் ’குடும்ப’ அரசியல் கட்சிகளில் பிரிவினை ஏற்படும் -பிரதமர் மோடி

கிராமப்புற மின்மயமாக்கல் நிறுவனத்திற்கு நிலைத்தன்மை சாம்பியன் விருது

வாழ்வில் குழந்தைகள் வெற்றி பெற கல்வி சாராத செயல்பாடுகளும் தேவை: மத்திய கல்வித் துறை செயலா் பேச்சு

கேஜரிவால் அரசு தண்ணீா்ப் பற்றாக்குறையை தீா்க்க உறுதியான நடவடிக்கையும் எடுக்கவில்லை - வீரேந்திர சச்தேவா குற்றச்சாட்டு

தலைநகரில் காலையில் கடும் வெயில்; மாலையில் பரவலாக லேசான மழை

SCROLL FOR NEXT