திருநெல்வேலி மாவட்டம், நான்குனேரி அருகேயுள்ள மஞ்சங்குளம் கிராமத்தில் பேருந்துகள் நின்று செல்ல நடவடிக்கை எடுக்கக் கோரி, நேதாஜி சுபாஷ் சேனைத் தலைவா் மகாராஜன் மற்றும் அப்பகுதி மக்கள் ஆட்சியா் அலுவலகத்தில் மனு அளித்தனா்.

அதன் விவரம்: நான்குனேரிக்கும், ஏா்வாடிக்கும் இடையே உள்ள விவசாய கிராமம் மஞ்சங்குளம். இங்கு சுமாா் 400-க்கும் மேற்பட்ட குடும்பங்கள் வசிக்கின்றன. இப்பகுதி மக்கள் தங்கள் தேவைகளுக்காக நான்குனேரி, ஏா்வாடி, திருநெல்வேலிக்கு தினந்தோறும் சென்றுவர வேண்டியிருக்கிறது.

ஆனால், மஞ்சங்குளம் பேருந்து நிறுத்தத்தில் பேருந்துகள் நின்றுசெல்லாததால் சுமாா் 2 கி.மீ. தொலைவில் உள்ள பெரும்பத்து கிராமத்திற்கு சென்று பேருந்தில் பயணிக்கும் நிலை உள்ளது. மேலும் அந்தப் பேருந்து நான்குனேரி ஊருக்குள் செல்லாமல் 3 கி.மீ. தொலைவிலுள்ள புறவழிச்சாலையில் பயணிகள் இறக்கிவிடப்படுகின்றனா். இதனால் பொதுமக்களும், பள்ளி, கல்லூரி மாணவ- மாணவியரும் சிரமம் அடைகின்றனா். எனவே, அனைத்துப் பேருந்துகளும் மஞ்சங்குளம் கிராமத்தில் நின்று செல்ல நடவடிக்கை எடுக்க வேண்டும் எனக் குறிப்பிட்டுள்ளனா்.