குற்றச் செயல்களில் ஈடுபட்டதாக இளைஞரை போலீஸாா் குண்டா் தடுப்புக் காவல் சட்டத்தின்கீழ் வியாழக்கிழமை கைது செய்தனா்.

பாப்பாக்குடி காவல் சரகத்திற்குள்பட்ட பகுதியில் கொலை முயற்சி, கொலை மிரட்டல் போன்ற குற்றச் செயல்களில் ஈடுபட்டதாக பாப்பாக்குடி அருகேயுள்ள இடைகால் வடக்குத் தெருவைச் சோ்ந்த பெத்துராஜ் மகன் மகாராஜன் (30) கைது செய்யப்பட்டு சிறையில் அடைக்கப்பட்டாா்.

இதனிடையே, பொதுமக்களை அச்சுறுத்தும் வகையில் நடந்து கொண்டதாக மகாராஜனை குண்டா் தடுப்புக் காவல் சட்டத்தின்கீழ் கைது செய்ய போலீஸாா் நடவடிக்கை எடுத்தனா். மாவட்ட எஸ்.பி. என். சிலம்பரசன் பரிந்துரையின்பேரில், மகாராஜனை குண்டா் தடுப்புக் காவல் சட்டத்தில் கைது செய்ய மாவட்ட ஆட்சியா் உத்தரவிட்டாா்.

இதையடுத்து, மகாராஜனை குண்டா் தடுப்புக் காவல் சட்டத்தின்கீழ் காவல் ஆய்வாளா் சண்முகவேல் கைது செய்து சிறையில் அடைத்தாா்.