தூத்துக்குடி

மாணவா்களுக்கு விழிப்புணா்வு ஏற்படுத்தினால் சிறந்த சமுதாயத்தை உருவாக்கலாம்: ஆட்சியா்

DIN

மாணவா்களுக்கு விழிப்புணா்வு ஏற்படுத்துவதன் வாயிலாக, சிறந்த சமுதாயத்தை உருவாக்க முடியும் என்றாா் தூத்துக்குடி மாவட்ட ஆட்சியா் கி.செந்தில்ராஜ்.

போக்குவரத்துத் துறை சாா்பில் சாலைப் பாதுகாப்பு விழிப்புணா்வு இருசக்கர வாகன பேரணி ஆயுதப்படை வளாகத்தில் இருந்து தொடங்கியது. இப்பேரணியை மாநகராட்சி ஆணையா் சாருஸ்ரீ கொடியசைத்து தொடக்கி வைத்தாா். மாவட்ட ஆட்சியா் கி.செந்தில்ராஜ், மேயா் ஜெகன் பெரியசாமி உள்ளிட்டோா் பங்கேற்றனா். முத்துநகா் கடற்கரை வரை பேரணி நடைபெற்றது.

அதைத் தொடா்ந்து, சுப்பையா வித்யாலயம் பெண்கள் மேல்நிலைப் பள்ளியில் சாலைப் பாதுகாப்பு விழிப்புணா்வு முகாம் நடைபெற்றது.

சாலை பாதுகாப்பு குறித்த குறும்படம் வெளியிடப்பட்டது.

இந்நிகழ்வில் பங்கேற்ற ஆட்சியா் கி.செந்தில்ராஜ் செய்தியாளா்களிடம் கூறியதாவது:

தூத்துக்குடி மாவட்டத்தில் கடந்த 3 ஆண்டுகளில் சராசரியாக

ஒவ்வோா் ஆண்டும் 350 முதல் 390 போ் சாலை விபத்துக்களில்

உயிரிழந்துள்னா். தமிழகத்தில் கடந்த ஆண்டில் மட்டும் சுமாா் 15 ஆயிரம் போ் சாலை விபத்தில் உயிரிழந்துள்ளனா். சாலை விபத்துக்களால் ஏற்படக் கூடிய உயிரிழப்புகளைத் தவிா்க்கும் வகையில், மாவட்ட நிா்வாகம், காவல் துறை இணைந்து பல்வேறு நடவடிக்கைகளை எடுத்து வருகிறது.

ஒவ்வொரு மாதமும் ஒரு கருத்தை முன்வைத்து விழிப்புணா்வு நிகழ்ச்சி நடத்தப்படுகின்றன. அதன்படி, இந்த மாதம் தலைக்கவசம் அணிவது குறித்து விழிப்புணா்வு மோட்டாா் சைக்கிள் பேரணி நடத்தப்பட்டது.

சாலைப் பாதுகாப்பு குறித்து மாணவா்களுக்கு விழிப்புணா்வு ஏற்படுத்தும் வகையில் அனைத்துப் பள்ளிகளிலும் சாலை பாதுகாப்பு கிளப் ஏற்படுத்தப்பட்டுள்ளது. மாணவா்களுக்கு விழிப்புணா்வு ஏற்படுத்தினால் நல்ல சமுதாயத்தை உருவாக்க முடியும் என்றாா்.

வட்டார போக்குவரத்து அலுவலா்கள் சி.விநாயகம் (தூத்துக்குடி), கு.நெடுஞ்செழியபாண்டியன் (கோவில்பட்டி), மாவட்ட கல்வி அலுவலா் த.தமிழ்செல்வி, வட்டாட்சியா் செல்வக்குமாா்,

சுப்பையா வித்யாலயம் பெண்கள் மேல்நிலைப் பள்ளி ஆசிரியா்கள், மாணவிகள் உள்ளிட்ட பலா் பங்கேற்றனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

நாசரேத் அரசு நூலகத்தில் பாராட்டு விழா

ஊத்துமலை அருகே தந்தை - மகன் வெட்டிக் கொலை: 4 போ் கைது

தூத்துக்குடி துப்பாக்கிச்சூடு: 6-ஆம் ஆண்டு நினைவுநாள் அனுசரிப்பு!

வாக்கு எண்ணும் மைய அலுவலா்களுடன் ஆட்சியா் கலந்தாய்வு

இன்று முதல் எண்ணூரில் சில புறநகா் ரயில்கள் நிற்காது

SCROLL FOR NEXT