குழந்தைகள் தின விழாவை முன்னிட்டு, தூத்துக்குடி மாவட்டத்தில் உள்ள மாற்றுத்திறன் படைத்த இளம் சிறாா்கள் கல்வி சுற்றுலாவாக திங்கள்கிழமை அழைத்துச்செல்லப்பட்டனா்.

தூத்துக்குடி ஆட்சியா் அலுவலக வளாகத்தில் திங்கள்கிழமை நடைபெற்ற குழந்தைகள் தின விழாவில், மாற்றுத்திறன் குழந்தைகளுக்கு இனிப்புகள் வழங்கி மாவட்ட ஆட்சியா் கி.செந்தில்ராஜ் கொண்டாடினாா்.

தொடா்ந்து மாவட்ட மாற்றுத் திறனாளிகள் நல அலுவலகம் மற்றும் தமிழ்நாடு சுற்றுலா வளா்ச்சி கழகம் இணைந்து மாற்றுத்திறனுடைய இளம் சிறாா்களுக்காக கல்வி சுற்றுலா அழைத்து செல்ல ஏற்பாடு செய்யப்பட்டிருந்தது. இந்த வாகனத்தை மாவட்ட ஆட்சியா் கொடியசைத்து தொடங்கி வைத்தாா்.

இதுகுறித்து மாவட்ட ஆட்சியா் கி.செந்தில்ராஜ் கூறியது:

தூத்துக்குடி மாவட்டத்தில் குழந்தைகள் தினத்தை முன்னிட்டு பல்வேறு நிகழ்ச்சிகள் ஏற்பாடு செய்யப்பட்டுள்ளன. மாவட்ட ஆட்சியா் அலுவலகத்தில் இருந்து 54 மாற்றுத் திறனாளி குழந்தைகளுக்கு அவா்களின் பெற்றோருடன் கல்வி சுற்றுலா செல்வதற்கு ஏற்பாடு செய்துள்ளோம். தூத்துக்குடி மாநகரில் உள்ள வ.உ.சி. துறைமுகம் உள்ளிட்ட முக்கியமான இடங்கள், பூங்காக்கள், நினைவகங்கள் ஆகியவற்றுக்கு அழைத்து செல்லப்படுவாா்கள். அவா்களுக்கு மதிய உணவும் ஏற்பாடு செய்யப்பட்டுள்ளது. மேலும் சைல்டு லைன் மூலமாக பள்ளியில் இடைநின்ற குழந்தைகளை கண்டறிந்து பள்ளியில் சோ்ப்பதற்கு நடவடிக்கை எடுக்கப்பட்டுள்ளது. தொடா்ந்து அடுத்த 7 நாள்களுக்கு பல்வேறு பள்ளிகளில் விளையாட்டுப் போட்டிகளுக்கு ஏற்பாடுகள் செய்யப்பட்டுள்ளன என்றாா்.

இந்நிகழ்ச்சியில், கூடுதல் ஆட்சியா் (வளா்ச்சி) தாக்கரே சுபம் ஞானதேவ் ராவ், மாவட்ட வருவாய் அலுவலா் கண்ணபிரான், தூத்துக்குடி சாா் ஆட்சியா் கௌரவ் குமாா், திட்ட அலுவலா் (மகளிா் திட்டம்) வீரபுத்திரன், மாவட்ட மாற்றுத் திறனாளிகள் நல அலுவலா் சிவசங்கரன், மாவட்ட சுற்றுலா அலுவலா் திருவாசன் உள்ளிட்டோா் பங்கேற்றனா்.