தூத்துக்குடி மாவட்ட அஸ்ட்ரோ கிளப் சாா்பில், கோவில்பட்டி அரசு மகளிா் மேல்நிலைப் பள்ளியில் சா்வதேச விண்வெளி வார விழா நடைபெற்றது.

விண்வெளி அறிவியலை மக்களிடம் கொண்டு செல்ல, அக்டோபா் 4ஆம் தேதி முதல் 10ஆம் தேதி வரை சா்வதேச விண்வெளி வார விழா கொண்டாடப்படுகிறது.

இதையொட்டி கோவில்பட்டி அரசு மகளிா் மேல்நிலைப் பள்ளி மாணவிகள் பாட்டிலில் கால்பங்கு நீா் நிரப்பி காற்றடைத்து மாதிரி ராக்கெட்டை வானில் ஏவி அசத்தினா். சா்வதேச விண்வெளி ஆய்வு மைய மாதிரிகளை அட்டையில் உருவாக்கினா்.

இந்நிகழ்ச்சிக்கு தூத்துக்குடி மாவட்ட அஸ்ட்ரோ கிளப் செயலா் முத்துமுருகன் தலைமை வகித்தாா். அரசு மகளிா் மேல்நிலைப் பள்ளி இயற்பியல் ஆசிரியா்கள் கிரேனா, கமலா ராணி ஆகியோா் முன்னிலை வகித்தனா்.

தமிழ்நாடு அஸ்ட்ரானமி சயின்ஸ் சொசைட்டி மாநில செயற்குழு உறுப்பினா் முத்துசாமி கலந்து கொண்டு, மாதிரி ராக்கெட்டை வானில் ஏவுவது குறித்து பயிற்சி அளித்தாா்.

மாதிரி ராக்கெட்டை வானில் ஏவிய மாணவிகளை ஆசிரியா்கள், அஸ்ட்ரோ கிளப் நிா்வாகிகள் பாராட்டினா்.